تجمع أمهات مواليد مارس & ابريل 2016 👶👱🍼

صباح الخير
اش اخباركم ياعسولات
وكيف صحة الكتكيت ان شاءالله بخير


حلو ماشاءالله سنة و3 شهور وشوي
قمة شقاوة والنط عاد عندها 2 اخوان لازم تتعلم منهم 😁😁 والنبش في اي شي واي شي ف الفم ع طول
شغالة بدقارد لها بس وراها الله المستعان
وعندها اربع اسنان فوق
وتحت 2


تشرب بس طبيعي ع صدري
بس تطفشني طول اليل تصحى بس تشرب شوي وتنام حق مزمزة 😣😣
وتتكلم كلمات مو فمهومة
غير بابا ماما
دادة
جالسين اخوانها يعلموها دلع اسميهم توتي وميشو بس باقي


طبعا البيت كلو عرايس لست هانم حلا وكلها هدايا زوجي بس جاب اول عروسة تطلع صوت
ولباقي من خالات عمات اقارب ماشاءالله
عاد دلوعة العائلة ✋💜😂مافيها كلام






قرقرت واجد شكلي 🙄💜💕

صباح العصر😅
الحمدلله مناح واولادنا بخير وعافيه

البنات دلوووعات وعاد انتي زايدتنها دلع
الله يعينج عليها😂

و ولدي كمل سنه و 3 شهور
والحمدلله يمشي ويركض بثبات
مشاغب ومستحيل يجلس إلا إذا يريد ينام ما شاء الله
حتى وقت الأكل يأخذ لقمة ويروح يكمل لف وبعدين يرجع يأخذ غيرها

رضاعته طبيعي الحمدلله لكن أحاول أعطيه حليب بنكهات لأنه ما تقبل الساده

معاه 6 أسنان فوق و6 تحت ما شاء الله

وإذا شافنا نتكلم يشاركنا الكلام وبكل ثقه ما شاء الله لكن ما نفهم منه شي ابدا 😂

يقول كلمات خفيفه
أبى
ما ابى
ادا = هذا
اوا= ايوا
كوه= كورة
آب = اشرب
بيبي
بابا وماما ودادا ولالا
أي = هذا اسم اخوه😆

الله يبارك فيهم جميع ويهديهم ويصلح حالهم ويحفظهم

ربي يحفظ الي عندك يارب

اي والله دلع من كل جة ماشاءالله
الله يعين ويساعد بس

ههههه
اذا كملت السنتين إن شاء الله تحملي اللي يجيج
يووووه تذكرت بنت اخوي
اول بنت ف العائله وتدلعت دلع الكون كله
والحين ما شاء الله 3 سنوات لكن تاعبه أمها وايد
ع أبسط لمسه تصيح صياح وما تسكت إلا بعد تعصيبه محترمه من أبوها
واذا بغت حاجه يا لهوي يا لهوي (قلبت مصري😂 ) شو يسكتها ما شاء الله صياح مع صريخ
والله يوم اشوف حالتها ادعي ربي ما يرزقني بنت مثلها
الله يصبر والديها ويهديها يا رب

بس عسى بنتج تكون أعقل حبتين منها (من وين ومعاها مدرسين قدامها)😂😂

الله يحفظهم لج ويبارك فيهم بنين وبنات

السلام عليكم
كيفكم بنات
انا بنتي عمرها دحين شهر و 5 ايام لما ولدتها كانت كيلوين ونص مره صغيرة و تعبتني ماترضع كل ساعتين ماترضى ابداً الا لما تجوع و الدكتورة قالتلي زيدي عليها الرضاعة ماني عارفة ايش اسوي لها😭😫
اللي جربت في اطفالها وزن كذا تطمني متى يبان عليهم و يكبروا و ايش كانت تسوي معاهم😩