قربت عالجنووون مع التوأم

الحمدلله على السلامه يمكن عندهم مغص او انتي عودتيهم انك تشيلينهم اذا روشتيهم ادهنيهم بزيت وعطيهم نعناع بامر الله مايضرهم واذا برضو يبكون ادهنيهم بفكس في البطن والاقدام وحصنيهم واقري عليهمواذا نامو جيبي قميص لك وحطيه تحت رأسهم بيشمون ريحتك ويطولون بالنوم لاتخافين الدكاتره قالو طبيعي مالك غير الصبر والاحتساب

جربي نوع ثاني. وحطيها واضغطيها شوي حتى يتترفون عليها ويقدرون يمصونها ويرتاحون

جربي اللهايات
وخلي الحليب بوقته بس
وباقي الوقت عطيهم اللهايات
ولو رفضو اللهاية جربي تخطين لهم فيهها شي ممكن دبس تمر مثلا
وممكن مغص سويلهم رضاعات نعنع
جيبي النعنع واغسليه زين
وبعدبن ورقيه وحطيه على منشفة نظيفة كم يوم لما ينشف زين
وبعدين حطيه بالكاس وصبي عليه موية مغليه وغطيه ولما يدفى حطيه بالرضاعة وشربيهم اياه
وممكن تجربين شوي تدهنين منطقة البطن بنقطة زيت زيتون غالبا الصناعي يسبب مغص للاطفال
تلقين الطفل يتأوه ويزن حتى لوماكان يبكي
الله يعينك ويقويك بعض الاطفال متعبين
وصح التوأم تعبهم تعبين بس كمان فرحتهم فرحتين بكرة يكبرون ويعوضونك
ويفرحون قلبك الله يصلحهم لك يارب
ومبارك ماجاك

اختي انا والله مثلك تماما بس كان معي ولد واحد وانهبلت كيف عاد توأم

ولان ولدي الاول كان هادي بسم الله عليه فهذا هبل فيني اقسم بالله ماننام ساعه على بعضها وعلى طول الخط يبكي حتى اهلي انهبلو منه يقولون ولدك ذا موب صاحي وديته مستشفيات وديته حرمة قالت يبيله ترشيم ورشمته يعني كي بس خفيف بعود الاسنان تقول معه الوخيه بسم الله ومافاد رحت لبيتي بعد النفاس شافته جدته هي تعالج اطفال قالت ولدك معه وخيه قلت طيب كويته مافاد قالت ماصابت واخذته وكوته وبرضو يصيح مايسكت على طول الخط لحد مابرت جروح الكي وطاحت وبعدها سكت الحمدلله وعقل وكان عمره اربع شهور عاد مادري هو من الكي والا لانه كبر شوي

الاكيد انه جنني والله اني كنت ابكي من شدة الارهاق والتعب وماينفع معه ولا طريقة امشي اجلس ارضع احط اللهاية كل الطرق الي تسكت الاطفال بائت بالفشل

لاهو ينام ويرتاح ولا انا انام
حتى قسم بالله وصلت فيني من شدة التعب اعطيه ضربه على مؤخرته يقهر الصياح المتواصل كنت احس بغثيان فضيع

والحمدلله الحين عمره ثمان شهور ودك تاكلينه هادي ونرميه في اي مكان يجلس يطالعنا بهدوء ماشاء الله

اقول من يصدق ان هذا الي طلع عيوني

حبيت اواسيك واطمنك انهم ان شاء الله يكبرون ويعقلون بس طولي بالك وش تسوين بعد

وادعي كثري دعاء في كل احظه وكل سجدة وبين الاذان والاقامة واخر الليل ان الله يصلحهم ويهدي بالهم ويسخرهم لك

حاسه فيك وربي

يالله كانك تتكلمي عن بنتي
تعبت مرره يا نايمه او صاحيه تبكي
مافي حل وسط
وديتها لاستشاري كبير بجده و قالي بنتك طبيعتها عصبيه 💔 و عندها مغص يستمر 90 يوم
الحين بتدخل 3 شهور و احس بدت تهدى شويه
و جبت لها اللهايه مع اني كنت ضدها و بقوه و ماكانت ترضى تاخذها تدفها بلسانها بس مع الوقت بدت تتعود عليها