يجنن مايفوت صراحه هاللبس عشقته شاريته شاريته الله لا يعوق بشر وباي ثمن والباقي محلول

جزاك الله خير

ايه والله الكتابة صارت تخوف المشكلة ان بعض البنات صاروا يتقصدون يلبسونها اتذكر وانا في الكلية بنت الكل دعى عليها لانها لابسه بلوزة فضيحة من قدام سهم طالع فوق ومكتوب أب ومن ورى اسفل يعني اسفل ظهرها مكتوب داون طبعا هي عارفه القصد بس لانها من برى بتلبسها بتلبسها طبعا في نهاية الدوام مسكتها الداعية عندنا بالكلية واعطتها كم كلمة من بعدها مالبستها


والعام بعد انا صار لي نفس الموقف شفت بلوزه في لندن اعجبتني مره وقلت لازم اشتريها وعليها كتابات ترجمه نصها لاني مستعجلة اهلي رجوني قلت يالله الكلام اللي مكتوب حلو كان مكتوب انا فتاة ناعمة ولا كملت شريتها طبعا مالبستها الا يوم جيت عند زوجي بالسعودية طالع فيني قال من وين هالبلوزه قلت من لندن على بالي اعجبته قال تدرين وش مكتوب عليها قلت بنت ناعمة قال يافااااااااااااااغره مكتوب عليها اذا انت رقيق فانا عزباء وهاذي دعوة للجمااااااااااع طبعا انا تفشلت وطاح وجهي ومسويه فيها اعرف اقرأ طبعا البلوزه ماصرت البسها الا عند ابو الشباب بس

وموقف ثاني بعد امي شرت قماش للمخاد تلبسهم عشان لما يجون خالاتي عندنا تخليو سنين واحنا ماندري وش السالفة الا اخوي مره منسدح على وحده الا فجأة قمز وقال من متى التلبسة هاذي فيها قلنا من زمان قال تدرون كلمة بلاي بوي وش تعني اللي على المخدة قمت انا تذكرت قلت ايه هاذي مجلة وسخة قال مو كذا وبس هاذي قناة اباحية يهودية لا ويوم طالعنا زين الا في نفس النقشة نجوم صغنونة طلعت نجمة اسرائيل طبعا على طول التلبيسات وانتم بكرامه على الزبالة فعلا هاليهود يحاولون يغزونا باي طريقة والمشكلة انا ماننتبه ...

طيب اخواتي الكريمات من منكم اتصلت بالهيئه او ارسلت القطعه مع وليها إليهم ياخواتي هذا اقل شيئ نسويه غيرة على ديننا واخلاقنا ومبادئنا اننا مانسمح لمدير مبيعات غالباً غير مسلم يلبسنا ويضحك علينا وعلى جهلنا والله المستعان انا ومن واقع تجارب عديدة ولان طبعي ماحب اسكت على غلط مخزنه ارقام فروع هيئة الرياض بجوالي وبس هي مكالمه تنتهي بجزاك الله خير ويخرج الموضوع من ذمتي لاهل الامر بالمعروف والنهي عن المنكر

جزاك الله ألف خير
وجعله في ميزان حسانتك

مشكووووووووووووووره اختي اسلوب المرأه