ابتلينا وتشوهت سمعتنا/ قديم

لاحبيبتي للأسف انهم يخيرونه بين الزواج او السجن وإذا رفض يتزوجها يسجنونهم
الله يكون في عونكم

ماقرأت كل الردود بس بقولك شغلة .. انت ف نظرك كذا حليتوا المشكلة لما اختك انرمت ف السجن وكرهتوها ؟ لا والله اذا م لقت من يحتويها راح تنتكس وتطيح ف شي الله عليم به بعيد الشر .. السجن عمره ماكان إصلاح وتهذيب اذا بعض الرجال م يتحمل يبات ف التوفيف ليلة وحدة وهو قاطع إشارة أو بسبب هوشة فما بالك ف ( بنت ) ينحكم عليها كم شهر هذا اذا مو كان كم سنة وبعد اللي شافته تطلع وماتلاقي قبول .. اذا م احتويتها وانتم اهلها مين يحتويها ! كلاب الشوارع ولا الناس اللي م تخاف الله !




الله غفور رحيم بس مشكلة بعض الناس تبي تحاسب وتفرض عقوبات ومو مشكلة تمحيك من الوجود كله عشان خاطر هالناس اللي م راح نسلم من لسانها ف كل الأحوال ..


الله يرحم ضعفها ويهديها لنفسها ويستر ع المسلمين أجمعين

لا إله إلا الله


كله كوم وموقفكم من اختكم كوم ثاني
لا بارك الله بمجتمع ورجال وجمعات حريم تخليني اكره واحقد على أختي
اسمى علاقة انسانية بعد الوالدين هي علاقة الأخوة
اختي من لحمي ودمي واخطت وكلنا ذو خطأ وذنب ما يمنعها من الظهور الا ستر الله

هل ببيع اختي لاجل كلام الناس ؟ هل بفكر أذيها لأجل موقف الناس الظالم والغير منصف والغبي بنفس الوقت؟
تتكلمين عنك وعن زوجك وعن اهلك وحتى عن الناس الناس! لكن اختك وموقفها ومشاعرها وحياتها اللي حكمتوا عليها باعدامها للابد مافكرتو فيها؟
اي مجتمع افلاطوني عايشين فيه عشان اقول معذورين مدينة بلا خطايا!!
مهما كان خطأ أختي بظل احبها واسامحها واحتويها طال الزمن ولا قصر هي اختي وهي لو اخطأت فهي مرحلة طيش ومراهقة وعدم استقرار عاطفي وفكري
هل الله سبحانه بينبذها (جل في علاه وتعالى ) ؟
اكيد لا ربي يتقبل عباده مهما اساؤا واذنبو ولو ما اسأءنا واذنبنا في لحظات ضعف او تهور او تسلط من الشيطان لابدلنا الله بعباد يذنبون فيستغفرون فيغفر لهم..
اختكم بحاجتكم وربي وجعلني اعيش عانس طول عمري ولا مطلقة ولا منبوذة مثل ما تفكرين وتخافين ولا بلحظة اجرح اختي مهما اخطأت مهما سوت تبقى لحمي ودمي وفداها ولا تتعوض علاقتها لا بولد ولا زوج !


وبخصوص زوجك بقولك هو حاسس ومستشعر احساس العار الخفي اللي تقابلينه فيه كل يوم فيعاملك ع قدر ما ارسلتيله رسايل خفيه بخوفك فارجع اقول اي وحدة واثقة من نفسها ومعتزة باهلها(مهما صار منهم) قدام زوجها ولا حسسته انه مالك امرها كله وما تقدر تعيش من غيره وتبيع الكون لاجله وسعادتها ما تنبع الا من نظرة اعجاب من زوجها فهذي بيعاملها بشكل مباشر او غير مباشر بنفس تفكيرها واللي تستحقه فعلا عقليتها.. حياتك مع زوجك ماراح يخربها اي شي الا خوفك من الطلاق وكلام الناس وانحطاط منزلتك عند زوجك المنزه!


الناس! موقف الناس! كلام الناس! دقات الناس!
تعتمد ع ردة فعلك وبيحترمونك فعلا ع قدر موقفك الحاسم والقوي لما يجيبون طاري او يلمحون لهالسالفة اقلها حتى لو تكلموا بيهابون يتكلمون قدامك !


ومعليش المجتمعات ما تتغير من تلقاء نفسها اذا جيل الشباب ( واعتبرك منهم) متمسك بافكار وعقليات جاهلية لا ترحم ولا تغفر والله يرحم ويغفر فمتى بتتغير هالمجتمعات؟
احنا وبالذات الامهات وتربيتهم مدار التغيير ومؤسسينه ربي عيالك على ان الله عادل ولا يظلم احد

على ان الله يقبل عبده ويغفر له مهما زل
ع ان الله يعامل عباده ع قلوبهم ونياتهم مو صورهم وسمعتهم وكلام الناس عنهم
وسبحان الله احنا مسلمين بس لو رجعنا للإسلام الصحيح اللي ما ينبذ المخطيء بل يتقبله

ويهيء له طريق العودة

لان اذا كان الله سبحانه وتعالى يقبل العبد المذنب
من نحن ننبذه ونعاقبه ونحكم باعدامه ونهاية حياته



والله يفرج همكم وهم اختكم ويكون بعونها ويهيء لها خيار عباد الله سبحانه بارضه

لاحواى ولاقوة الا بالله


ربي يفرج عنكم ويستركم ويحنن قلب زوجك عنك بس ايش كل ذا؟؟؟ الانسان خطاء واختطاف غلطت وان شاء الله تتوب وليش حتى الناس تحاسبكم او زوجك يحاسبك !!

ايه معك حق

رح احكي لكم قصة بنت عمي هي صغيرة بالعمر ونخطبت وكانت تكلم واحد بالتليفون فهي راحت عند عمي اخر كم يوم بس هربت مع الشاب الي كانت تكلمه والاسوء في ررمضاان سنه1836 وقعدت يومين ورجعها الشاب وراح ابوها لعائلة الخطيب وحكالهم كل شىء والناس سمعت وتبهدلو اعمامي ولاد عمي وزو

ويوم مسكوها صار الكل يضرب بس نحنا ما عنا قانون البنت تنسجن ابدا ابدا وسمع زوجي لكن ما تغير شىء وفهمته انو مالي دخل وهي غلطت وكل شىء

اخذها ابوها وعمامي للدكتور وكشفو انها لسانها عذراء