التجمع ال٩٩للمقبلات على الحقن المجهري واطفال الانابيب

ماأدري والله وش تأثير الغدة
بس الدكتور بندر لما عرف اني أنا وزوجي عندنا لخبطة في الغدة عطانا فرصة شهرين ولما رجعنا بعد الشهرين سوا العملية وما نجحت سبحان الله
والحين محتارة ماأدري وش أسوي
هل اسوي العملية هالأشهر القادمة أو أصبر وافتش عن سبب فشل المحاولتين السابقتين

فكرت بربط القناة الملتصقة بس متحسفة عندي أمل انها ممكن تنفتح يوم من الأيام
وبنفس الوقت خايفة تكون هي سبب الفشل لو كانت تنزل صديد على الرحم

الله ينور بصيرتي ويختار لي الخيرة المباركة
ويرزقك ويرزق كل خواتنا هنا بالحمل السليم المبارك

طيب الدكتور بندر قالك احتمال ينزل صديد وافضل انه يربطها ولا انتي سمعتي من دكتور ثاني بسالفه الصديد والربط؟؟

الدكتور بندر ما جاب طاري القناة ابدا

بس أنا شفت يوتيوب لدكتور ثاني يقول إذا الأنابيب ملتصقة من الجهة البعيدة عن الرحم فأحتمال تكون الجهة القريبة من الرحم تنزل صديد على الرحم ويصير التهاب وهذا يأثر على الأجنة ويموتها
لأن الأنبوب مهجور ويجتمع فيه اشياء

لذلك نصح اللي عندها التصاق لازم تشيل الأنبوب لأنها كذا وإلا كذا ما راح تستفيد منه بس يمكن يخرب عليها ويكون سبب فشل عملياتها

بصراحة محتارة
وشكلي بستخير واقول للدكتور بندر يشيله

ترا حالتك قريبه لحالتي بضبط

طيب ماتدرين وش الفرق بين ربط القناه او استئصالها؟؟
واذا عندك رابط الدكتور اللي شفتيه باليوتيوب ارسليه لي الله يخليك

الله يرزقني ويرزقك ويرزق الجميع