ابتلينا وتشوهت سمعتنا/ قديم

والله اول موضوع اثر فيني

متعاطفة كثير مع اختك لحضة طيش دمرت حياتها والكل تخلى عنها الله العالم بحالها ونفسيتها صحيح غلطت لكن لاتصيرو انتو والدنيا عليها حرام تضيع حياتها كلها بالسجن

ياقلبي الله يفرج همكم ويبلغكم مايرضيكم الله يسخركم لبعض ويسخر لك زوجك
زوجك حاولي قد ماتقدري ما تبني له انك مكسورة من فعل اختك بقد مو حزينه عليها اما اذا كان سيرتها تستفزه في هذي الفتره ويغلط عليك فخليه بعيد عن هذا الموضوع لاتبيني له ولاتجيبي سيرة عيشي معاه بعيد عن الهموم وشوي شوي اذا ممكن مع الايام بيتقبل يكون لك عون في حل الموضوع واقناع اهلك او ابقيه بعييد عن موضوع اختك لاتجيبي سالفتها عنده
وكلمي امك تحاول في ابوك واخوانك بامومتها وحنيتها وقلقها على بنتها تسوي المستحيل تبكي تتميرض تطلبهم يسامحونها يااختي عمر السجن ماكان بيئه للاصلاح ولا بيكون مناسب لها السجن يجمع الصالح والطالح اغلب اللي،دخلوا السجن ماغيرهم للاحسن بالعكس انتكسوا زياده اقري عن قصص سجينات وكيف تعرفوا على طرق ماعرفوها بحياتهم قبل السجن في كثييير سار السجن عندهم عادي وماكان يسوونه بالستر صار علن واغلبهم ممن تخلوا عنهم اهاليهم ورفضوا استقبالهم من بيتقبلهم غير من بيستغلهم

تدعين على مجتمع كامل بالإباده عشان وحده غلطت
اتقي الله في نفسك ...الدعوه الظالمه لاتتعدى رأس صاحبها
ماتدرين لو دعوتك كامله نصيبها انتي ومن تحت يدك
استغفري ربك ..رحمه بنفسك فقط

الله المستعان حبيبتي اختك غلطت وماحد معصوم من الخط ومحد يثبت انها طلعت تزني مجرد طلعت ومسكوهم ولا تسمحين لخوانك وابوك بقتلها خلوها في السجن افضل ولا طلعوها ولي طلع معها يتزوجها ولو لفتره اهم شي يسكتو الناس حرام تقتلوها الله يغفر وانتم ماتغفرون روحي لختك وفهمي منها ليش سوت كذا اتركو كلام الناس اهم شي اختك حرام يضيع شبابها وزوجك بكيفه يبي يطلق خليه يطلق اذا يحبك خليه يساعدك خليه يطلع اختك وخبوها او سفروها خلوها تعيش حياتها بعيد عنكم وناس بتنسا مع الوقت والله يكون بعونكم

لصاحبة الموضوع ماراح اعطيك حلول وهم وعاطفيه زي ماقالوا بعض الاخوات هاجروا ...طلعوها احتووها ..
اولا لو هاجروا اهلك من المنطقه وين بيهاجرون من الدم والقرابه فهمتيني اكيد يبغون اهلهم وجماعتهم لا ابقوا في مكانكم
بالعكس بيكرهونها اشكال والوان لانها سبب تهجيرهم ..وبعثرتهم الانتقال من مكان لمكان عذاب وهم وخساير
في قصة نفس قصة اختك بس على اكبر واكبر واكبر وانتهت تماما بوقتها مع ان القبيله بكبرها عرفت بسسس الرجال تضامنوا مع اهل البنت ..ومنعوا تماما تبادل القصه وتفاصيلها بين النسوان ..وزوجوا البنت بحدود السنه وهي انتقلت وراحت بعيد وامتنعت عن المناسبات وراحت لعالمها
وانتهت القصه
لو لك عمام وخوال ولهم غيرة هم اللي بينهون الموضوع خواتك مالهن ذنب اللي تطلق واللي تنفسخ خطبتها
البلا مو من المجتمع ياسيدات المجتمع ...بالعكس شفتوا انتفاضة المجتمع ضد اللي صار هذا يمنع الف بنت تغلط هالغلطه
ان المجتمع يسكت ويعدي معناته بنصير زي اي بلد نعرف قصصه ومسلسلاته تحكي حياة مجتمعه االي انفرطت وصار مافي لاحرام ولاعيب فاهميني صح ..الغلط مو من المجتمع اليوم بيتكلم بكرة بينسى ..الغلطه من اللي ماتضامن معهم من اهلهم لذلك فلت للاخت لو لكم عمام وخوال ينشد بهم الظهر بتنتهي القصه ..اجتماع عائلي بينهم بينهون الموضوع بيرفعون قدر هالعائله ..بيزوجون البنات ..وبيلقون حل للبنت اللي بالسجن لاااازم تطلع بس اخوانها مايتهورون ..يؤخذ عليهم ضمان ..وقفة العائله ورجال العائله بيعزز موقف صاحبة الموضوع حتى قدام زوجها ..واهله وخصوصي از عائلتها مستورة ومالهم سوابق غير غلطة بنت جاهله وهي بس اللي بتدفع ثمنها الله اعلم لمتى
صاحبة الموضوع اسئل الله جل في علاه ان يفرج همكم ويداوي مصيبتكم بأسرع وقت واهون سبب وان يجعل لكم من هالضيق اوسع مخرج ...وان يفرج هم اختك ...ويمسح مصيبتها كأنها لم تكن
واتوقع اخوانك من يشوفون اختهم عقب السجن وش عمل فيها ولاواحد بيقرب عليها ولاحتى بكلمه
وتجنباً لغضب زوجك ان قدرتي تشتغلين بصمت مع خواتك على جمع أراء كبار العيله وكسب تضامنهم لازم يفهمون طالما البنت بالسجن فالموضوع مازال مفتوح ...اجتماع سري للكبار مع رغبة جاده للحل ...هي فقط الحل
اما الشامتين صدقيني بيدفعون الثمن غالي ..لاتحزنين