كلهم يجتمعون يعني نحن ليش لا ؟؟يلا يالمتزوجات صفوا ورا بعض نسولف شويه

الا حلو ونص ماشاء الله عليك بصراااااااااااااحة




المفروض أن الواحد يحاول انه يعالج ذاته بذاته وما يسمح للضغوط أنها تسيطر عليه

بس ودي ألفت أنتباهك لشي مهم وهو أي شخص من المحيطين حولك صارت له مشاكل طبعا هو لو يشكي لك أنتي بيصير عندك ضغط أكيد.. هل تبعدين عنه عشان تخففين الضغوط عليك ؟؟







لا مو تبعدين عن هالشخص وتقولين ما لي خص وانا شكو ؟؟مثل المؤمنين في توادهم وتراحمهم كمثل الجسد الواحد إذا أشتكى منه عضو تداعى له سائر الجسد بالسهر والحمى ..!

لازم يكون لنا دور ايجابي معاهم بس ما نعيش المأساة فهمتي علي ؟؟نحورها لنا وننظر لمشكلتهم من منظور ايجابي لنا ونعرف نعمة الله علينا مدري كلامي وااااااااضح والا لا !!

^
^
^
مية بامية صح كلامج .. أنا اللي قصدته .. حتى قلت .. "نفسيا مالي خص لكن اجتماعيا بلا" ..
يعني أنا اسمع للمشاكل واحاول ادور حلول .. حتى كل اللي بالبيت يون لي انا ويشتكون لأني اسمعهم ..
أنا الي قصدي .. يعني مو تكون مثلا عند اختي مشكلة .. واروح انكد على زوجي وبنتي باقي اليوم لمشكلة حتى يمكن هم مايفهمونها او مايعرفونها .. فهمتيني !! ولا اني اتقمص شخصية الانسان اللي يحااتي الاخرين ويحزنلهم ..
لا .. أفكر في المشكلة بروااق .. ومنظور غير عن صاحب المشكلة عشان يكون في كم خيار وكم حل .. بس ما اخلي التفكير بالمشكلة وتأثري بها ينعكس على حياتي مع الاخرين ..
ان شاء الله تكون وصلت المعلومة

^

^

^

ماشاء الله نصلح انا وانتي صديقاااااااااات خخخخخخخ

أزيدك بعد مصائب قوم عند قوم فوائد

يعني لمن تسمعين مشاكل الآخرين بدل ما تتقمصينها وتحولين النكد لبيتك وعيالك خلي هالمشكلة اللي سمعتيها توسع مداركك أكثر وأكثر على نوعيات الناس وعلى كيفية حل مشاكلك في المستقبل أو كيف تتلافين الخطأ اللي سووه..

وعلى طاري توسيع المدارك لمن كنا ندرس في الثانوية في اولى ثانوي قامت وحده من الطالبات تقول لمدرسة الفيزياء بالله يا أستاذة وش لنا بهالمعادلات والخرابيط ؟؟ تدرين وش ردت عليها ما عصبت ولا شي قالت انتي لو ما فهمتي وش الفائدة ؟؟ مجرد أستماعك ومشاركتك وتركيز انتباهك هذا كله يزيد ويوسع مدارك مخك وبتشوفين نفسك في المستقبل قادرة على حل مشاكلك اذا احسنت الأستماع معنا ... يعني نحن نغفل عن مسألة توسيع المدارك مدري جبت المثل هنا صح والا اني خنبقت اذا كلامي خنبقة خذوا وخلوا لني ما نمت من الصبح خخخخخخخخخخخخ

مساكم الله بالخير يابنات عالم حواء الغاليات ومبروك عليكم شهر رمضان وجعلنا الله من العتقاء من النار حبيت اشارك معكم بصريح العباره اسولف معكم عاد ياحبي للسواليف مدري من وين ابدا بس ابعلق على سالفة السلبيات والايجابيات انا واعوذ بالله من كلمة انا اجد نفسي في عالم حواء واتكلم بكل صراحه عن نفسي الي ما اقدر اتكلم فيها عند افرب الناس لي وبقولكم سلبياتي الي اتمنى من الله اني ما يخلص هالشهر الا وانا شافيه منها خخخخخخ من سلبياتي يابنات ياحلوين اول شي حمولتي حاطين راسهم براسي وودي اطنشهم بس ما اقدر ودايم اتهاوش مع رجلي بسببهم بعد اذا جا النفاس تصير نفسيتي زي الزفت ودي اصير مثل ناس اعرفهم مرتخيه ما اقدر حتى اخر مره تهاوشت مع زوجي وصكيت على نفسي الغرفه وكسرت كل شي فيها وجا رجلي وكسر الباب ولقا الارض كلها دم ما ادري وشلون سويت بنفسي كذا بعد اغار على زوجي لدرجه انه ما ابغاه يناظر في الحريم واذا ناظر قلبت عليه حياته نكد وبعد عصبيه وبعد فسرت حلم وقالي الشيخ ان زوجك يخونك مع الشغاله وصرت شديده على الشغاله اما الايجابيات قلبي طيب ياسرع ما رضا دايم افكر في الناس واحب اقدر واخدم مع انهم احيانا يقصرون معي عاد ما ابغا اقعد امدح بنفسي لان مداح نفسه ... الخلاصه الي عندها نصايح تفيدنا الله يجزاها الجنه

وليه وليه وليه كل هذا يا قلبي

تبين الصراحة شلون رجلك صابر>>>> لا تزعلين مني نحن هنا مثل المراية تعكس صورتك

وياليت أحد يقولي لا يالمحبه أنتي غلط هنا ما نبي اللي يجاملنا >>>>>>> مقدمة طويلة عشان ما تخبطيني على وجهي خخخخخخخخ

أقولك وش عليك من حمولتك ؟؟ ليش تزعلين رجلك عشانهم ..؟؟ انتي أدي حق الله فيهم وبس

أحترام وتقدير ومواجيب وغيره كفى الله المؤمنين القتال منتي ملزمة فيهم !! انتي ملزمة بزوجك ما تزعلينه وتنكدين عليه عشانهم ؟؟؟؟؟؟؟

واذا على النفاس كلنا كذا الله المستعان ...

اما الغيرة فصدق من الحب ما قتل أقولك الرجال يصبر يوم يومين بعدين يمل..!!

وماسمعت أن الرجال مثل البعرور ( تدليع البعير ) الجمل ؟؟

يعني شلون؟؟

الجمل فيه صفة الحقد يجمع يجمع يجمع بعدين ثورته تكون قوية ..

الله يسخركم لبعضكم آمييييييييين