زوجة اخي مريضة نفسيا

السلام عليكم ورحمة الله وبركاته ،،،،،
اخواتي انا اخوي شخصيته طيب وحنون تزوج وحده من قرايبنا لكن ما رزقه الله بالذرية والمشكلة منها هي
وعاش معها خمس سنين وهو مو مرتاح منها كل شوي تعصب عليه لانها عصبية وتطلع من البيت بدون علمه المهم طلقها وبعد فترة تزوج وحده حبوبة وحنونة وهادية مررررررة وجاب منها ولد لكن فيها مشكله هي مريضة نفسي وتأخذ مهدئات وتنام كثير لكن اذا قامت ما تقصر ابد لدرجة انها تنام عن الصلاة وتقوله تكفى قومني لو تطقني بالعصا كل شي الا الصلاة وهو ملتزم ويرحمها ويقولها انتي معذورة ويخليها ما يقومها لدرجة انه يسوي قهوته وشاهي ما يقومها والحين هو محتار يقول مابي اطلقها وبنفس الوقت يقول العيشة معها صعبة وغير النوم ما تسولف معه اغلب الوقت ساكته يقول شكلي بتزوج عليها
وجاني يشتكي قلتله اصبر واحتسب الاجر لان كان يدري قبل الزواج انها مريضة بس يقول ما توقعت انها كذا والحين ابي مشورتكم له المسكين كاسر خاطري يبي الاجر والحين يتألم هو عمره 31 وهي 32 وحالته المادية زينة
اسفة على الاطالة

6 تعليق 1,340 مشاهدة

شاركي في النقاش

سجلي الدخول لإضافة تعليق.

التعليقات

4
  1. @sdn_khald

    طيب هو كان عارف من البداية بمرضها.. !!!!!!
    والله مدري شقول لكن دام انها مو مقصرة يمكن بعد فترة تتحسن و الامور تزين
    لان كون انه عارف بمرضها وبعدين يجي يقول ماتوقعت كذا مشكلة والله
  2. @am_aaboooood_1

    ما ادري أيش أقول طيب هل بتجلس طول عمرها تأخذ علاجات
    إذا لفتره محدده يصبر الين تتعافى وإذا ما قدر يتحمل من حقه يتزوج واكيد هي بتراعي ظروفه
    لأن العلاجات النفسية بتدي نوم ثقيل يعني غصبا عنها إذا يبغى يتزوج لا يطلقها ويكسر بخاطرها بشيء ماهو بيدها
  3. ياقلبي انت اخته ماراح تشوفين غير ان اخوك رائع

    صدقيني ان ماطلع العيب من اخوك مااكون انا
    مااذم فيه بسوء ولكن الحريم احيانا مايحبو الرجال بسبب بعض الطباع الغالبة في شخصيته او في سلوكياته ولذلك ولاوحدة قادرة تحبه وترتاح معاه

تابعي تجارب أخرى من هذا القسم.