زوجي و الأسلوب

سلام عليكم
موضوعي بقوله بدون مبالغات و بدون ما اطلع نفسي الملاك بحاول اقولها بالحرف الواحد
مشكلتي مع زوجي هي أسلوبه حاد في كل شي تقريبا يعني
اذا فانيله ولدة مو بالطريقه اللي تعجبه ممكن يتنرفز و يقط كلام بطريقة المدير مع صباب الشاي
انا كم مرة قلت لج المفروض جذي و جذي ...
اففففف كلامي ما تفهمينه صعب اللي اقوله ...
و ممكن يقطط الاغراض يمين و شمال و هو يقط حجي مثل ..
في احد يسوي جذي و جم مرة لازم اعيد الكلام عشان يتنفذ...
بأسلوب حاد و مو حلو ...
و يطلب طلبات حق ولدة ما يراعيني و لا حبه
حاليا انا حامل بالشهر الثالث لو تعبت و حاولت ارتاح
يصرخ تعالي مسكي الولد قاعد ينطط حوالين البيت
تعالي غسلي مواعين الولد
تعااالي و تعالي
و اذا قلت تعبانه يافف و يسوي سوالف
مثلا قلت ولدك يحتاج الشي الفلاني
كانها سبه و وراها الف قصه
يعني ضروري يعني وين اللي انا جبته يعني وين ذاك
متأكدة ما يكفي و قصص لما اتعب و اروح اسوي الشغل بنفسي ...
هو حريص فما نطلع الا نادرا مع ان احنا في بيئه الكل يطلع على الاقل في نهايه الأسبوع احنا كل شهر يمكن مرة او بعد ما في شي
لازم احن و احن و اقول مختنقه
و بعد ما نطلع لازم قصه وين و هالمكان ما يناسب
و هالمطعم اكلهم مو زين
يعني حجج و بلاوي لين اطفش
طبعا من جبت ولدي عمرة ٣ سنوات نساني ٨٠ في المئة
اهتمامه فقط اكل و شرب و نام و لعب و شلونه وبس
تعبي في ستين داهيه
و بالعكس يحسسني معظم الاوقات اني مقصرة و ما ادي واجبي عدل ...
مع اني ٩٠ بالمئه وقتي حق ولدي الوحيد
و طلعات و خرابيط مره في الشهرين اذا صارت
مزاجة دايما متعكر و قليل الابتسام
و كلامة عبارة عن طلبات او أوامر...
كلام ما بين الأزواج ما في و لا كلام من نوع شنو تحتاجين او مرتاحة حتى كلمة يعطيك العافيه لازم اعاير عشان يمكن يقولها ...
ابني سمات توحد ف جهدي معاه مختلف شوي
و كفايه الهم و القهر اللي اعانيه
و هو تحطيم في تحطيم
و كلام كله حاد و شلون اني مو قد المسؤليه و شلون اني ما سويت كفايه ...
تعب في تعب و هو يكسر أعصابي
طبعا بغيت اقول ان طلباتي ربع طلبات الطبيعيات من الزوجات لأني اشتغل و بعد هالربع مشاكل و عوار قلب ....
ساعات اقول امتحان من الله و ساعات اصبر نفسي بكلام و طبعا كله عشان ولدي و احاول ان يعيش في بيئه صحيه

20 تعليق 4,222 مشاهدة

شاركي في النقاش

سجلي الدخول لإضافة تعليق.

التعليقات

20
  1. @rhf_alsyd

    كل هذي الصفات وتحملي
    انت عارفه طبع زوجك من زمان
    ايش الجديد في الموضوع
    واذا قلنا دخلي اهلك في الموضوع راح ترفضي
    حياتك من اساسها غلط بدل ماتصلحي غلطك تحمليوتكثري اطفال
  2. @saaad_faisal

    حاولي تفهمي شخصيته واكتبي المواقف اللي تصير بينكم وشوفي اش الغلط
    واذا نفسك بتعامل معين كلميه ع رواق واطلبي منه
  3. اختى معليش
    بس سؤال
    اذا زوجك اسلوبة دنئ وزبالة ونفسية ووسخ
    لها الدرجة
    و80% قلب عليك يوم جبتي ولدك
    ليش حملتي منه مرة ثانية؟؟
    يعني نبي شفافية شلون طبعه حاد ولسانة سليط وسساحب عليك و تحملتي ثلاث سنين ولا حملت منه مرة ثانية
    في في القصة شي ناقص
  4. @alamyrh2

    حاولي تكتبين له الاشياء اللي تحتجينها منه بعض الرجال يتفهم بالرسالة اكثر من الكلام
    وحاولي تعطينه مشروبات تهديه نعناع لبن
    انوار البيت لاتكون قويه خليها هاديه
    كلامك معه بهدوء
    اعرفي شخصيته وحاولي تفهمينه اكثر
    وعلى فكرة ترى ماينفعك الا عيالك


    الحمدلله اللي ربي كتب لك الحمل والله يقومك بالسلامة

تابعي تجارب أخرى من هذا القسم.