السلام عليكم
انا انخطبت قبل شهر تقريبا وملكت بعدها باسبوع وكنت فرحانه مررره ومرتاحه والحمدلله الين بعد الملكه بيوم صرت مررره متضايقه ومالي نفس بالعرس وحتى لما اشوف صورته او اسمه مالي نفس ابد اشوفه واحس بضيقه
يعني احس اني مو زي اي عروس تفرح وتروح تشتري اغراضها وهي متحمسه انا لا مابغى اروح اشتري ولاشي مالي نفس
بس لما احد يكلمني عن انو انفصل احس مابغى انفصل عنه
اش رايكم شعوري طبيعي ولا لا؟
خايفه لما اتزوجه مارتاح او اظلمه معاي مابغى كذا
اهلي يقولو عادي مافيها شي كل البنات كذا يمرو بتوتر وضيق وخوف بس انا ماحس انها توصل لدرجه انو مالي نفس اشوف وجهه
الله يسعدكم الله يسعدكم الله يسعدكم افيدوني قبل ماتزوج
زواجي بعد اسبوعين بالضبط
لا وكمان تهاوشنا انا وياه بسبب انو يبغى يكلمني فيديو وانا رفضت والحين حظرني ولا عاد يكلمني
اعرف طولت بس والله احس اني لازم اطلع الي بقلبي...... وربي يسعدكم الي ماعندها رد تدعو لي ربي يالف بين قلوبنا ويسعدنا
شاركي في النقاش
سجلي الدخول لإضافة تعليق.
التعليقات
47- علشان لا تتحسفي
اقطعي الشك باليقين
لا تقولي بكره احسن - أولا،
مددوا فترة الملكة أي مدة المهم أكثر من 4 أشهر ، لأنه نفسيا(علميا) القرار يصبح أكثر نضجا .
و أعتذر
بدا لي شيء من طبع "التعجل" عندكم، بعائلتنا حتى لو قبلت البنت به من ثاني يوم خطبة عيب عندنا مجرد " الرد" قبل تمام أسبوعين على الأقل،
و بعد الرد تحدد الملكة اللي مستحيل تكون أقل من مرور أسبوع ... يعني المجموع 3 أسابيع، و أنتم الله يهديك بعد أول أسبوع ملكت.
ثانيا،
أي كلام " عام" مستحيل أحد يفيد به أو يستفيد منه .
بمعنى " أنا حزينة، أنا رافضة، أنا غير مرتاحة" طيب .. " ليش" ؟!
التفاصيل مهمة جدا، و ليس شرطا مع الآخرين، بل حتى لو مع نفسك " ورقة+قلم+تفكير دقيق". - صحيح اختي إجراءات زواجك تمت بشكل سريع جدا الا اذا
انتم تعرفون بعض جيدا هذا شيء اخر المفترض ان تكون أطول من ذلك حتى تستقر مشاعرك وتستطيعين اتخاذ القرار المناسب لكن مدام انه شاب وغير متزوج ومستقيم وقادر يصرف عليك لاتفرطين صافيان. أولا، مددوا فترة الملكة أي مدة المهم أكثر من 4 أشهر ، لأنه نفسيا(علميا) القرار يصبح أكثر نضجا . و أعتذر بدا لي شيء من طبع "التعجل" عندكم، بعائلتنا حتى لو قبلت البنت به من ثاني يوم خطبة عيب عندنا مجرد " الرد" قبل تمام أسبوعين على الأقل…
صادقه مددي الملكه- استخيري والله يكتب لك الخير
مواضيع مشابهة
تابعي تجارب أخرى من هذا القسم.