سلام حوائيات
أهل زوجي وزوجي ينتظرو منى فرصه عشان ياخذو من راتبي..
كنت لما أخذ شي لنفسي تفر عينهم وزوجي يتظاهر بالفقر..ويسو ي لي مشاكل واهله يزيدوه ويضغط علي بالمشاكل ويبوز ويضرب عياله من بعد مكان يحبهم وحنون علينا..
وضليت حارمه نفسي بسببهم عشان ما تتكرر المشاكل مثل العاده..
وهالمره اخترب تلفوني واشتريت لي تلفون جديد وع طول فرت عيونهم كلهم والحين زوجي من كم يوم مبوز وينتظر شي عشان يسوي لي مشاكل ويريدني أرد عليه ويضرب عياله وما يساعدني فيهم يرمينا ويذلف غرفه اخوه المسافر هناك يرتاح.. مايجي الا لما نكون نايمين..
ومن أمس يقول لي انه يريدني ندخل قرض ونبني بيت أو نشتري بيت!
وطبعا هو قرضه اقل لانه يشتغل فشركه وانا حكومه بيصير قرضي اكبر..
يقول بنتشارك مع بعض أو ندخل جمعيه..
اهلي نصحوني ما أشارك معه.. وانه أسوي بيت بنفسي وانا اخاف أقوله ويعصب علي ويرمينا بيت أهلي وانا حامل وأهلي مو ناقصين تعب وانا وعيالي..
شو الحل؟
هوراتبه فشركه متوسط وعنده محلات مع أهله..
شاركي في النقاش
سجلي الدخول لإضافة تعليق.
التعليقات
35- المفروض هو يوفر البيت حتى لو انتي موظفه
لكن تفادياً للمشاكل خذي قرض بس لازم كل قرش محسوب وبينكم ورق وعليها شهود بكل فلس تدفعينه والبيت بأسمك انتي وهو - مشكلتك هي نفس مشكلة اغلب الموظفات استغلل الزوج
بالنسبة للجوال يفترض انك تركتي بشنطتك ماطلعتي قدام اهل زوجك وقدام زوجك قولي هذا جوال اخوى اشتراه وماعجبه وبادلته
اما بيت العمر تراه مهم بس اللي اوله شرط اخره نور. تضمنين حقك في يكتب باسمك اذا هو بيدخل شريك برضه يكون عقد صحيح وبالمحكمة - اشتري ودلعي نفسك خليه يعصب وينفجر من قهره وبعدين يتعود
اما البيت زوجك حاط عينه على راتبك شلون تثقين فيه وتحملين نفسك ديوون وانتي اصلا حياتك مو مستقره
لو لا سمح الله صارت بينكم مشكله وطلقك كيف بيكون وضعك مع الديون - دامك متوظفه لا تخافي حتى لو رماك انت وعيالك معك راتب تاخذين شقه لكم حلوه هذي انا اتعب واشقى واخر شي احرم حالي من الدلع علشانهم والله يصلح مابينكم
- الله يكون معك ما أعتقد إذا طلعت القرض بتنحل المشكله أنتي وزوجك بينكم فراغ كبير وما فيه تفاهم وأي مشكله تصير أنتي تحسي إن امه لها دخل
ومشكلتك حلها بيدك أنتي فكري كيف تحليها وأنتي أدرى بطبع زوجك وربي يسخره لك
مواضيع مشابهة
تابعي تجارب أخرى من هذا القسم.