بقولك عن ثنتين من صديقاتي أعمارهم ف منتصف الثلاثينات وربي م كتب لهم الزواج .. ماشاءالله تبارك الله موظفات وكل وحده تعطي كل جهدها ف شغلها وطلعات ووناسة وجمعات بنات أقسم لك عايشين أفضل من عيشة ( بعض ) المتزوجات وآخر همهم كلام الناس
سألتهم وحدة تمون من الشلة ي فلانه ماشاءالله م أتأثرتي من كلام اللي حولك بخصوص الزواج قالت رزقي وعلى الله واللي مكتوب لي راح بجيني غصصصب ولو بفكر ف كلام فلانه وعلانه كان حتى الوظيفة تركتها .. بس عرفوا لأنفسهم وماهمهم أحد ماشاءالله ذحين كل وحده ترقت ف مجال عملها ومبسوطين .. الخلاصة / أفرضي ماجاك نصيبك راح تدفني نفسك حية ؟ راح تعتزلي العالم كله عشان ناس تافهه م همها إلا القيل والقال ؟ ناس حتى لو تزوجتي وخلفتي برضو تتكلم ؟ يعني مافي مجال للراحة ابد
سيبك من الناس ومن كلامها إللي لا يودي ولا يجيب وعيشي يومك وأشتغلي ع نفسك ادخلي دورات تثقفي أقرأي كتب روحي لصاحباتك ومناسبات وانت راسك مرفوع .. ترى الواحد فينا ماياخذ فهالدنيا إلا نصيبه وماتدرين وين الخيرة .. حرام تضيع أيامك كذا بدون أي إنجاز .. نصيحة من أخت عيشي حياتك وثقي برب العباد ربي اذا أعطى أدهش وإحسني ظنك بالله وراح تشوفي مع الأيام كيف حياتك المهم تطلعي من دوامة اليأس اللي انت عايشه فيها
ربي يشرح صدرك ويكرمك باللي تتمنيه ويسعدك دنيا وآخره
بنات أنا عمري قرب ع 30
متابعة النقاش، صفحة 3