كلهم يجتمعون يعني نحن ليش لا ؟؟يلا يالمتزوجات صفوا ورا بعض نسولف شويه

هههههههههههه ذبحتيني من الضحك مو قادرة ماقالنا هالسالفة بس قالنا سوالف وايد حلوة تصدقين عاد كان جرسون في مطعم فامريكا وترقى شوي شوي لي صار عنده شهادات فالفندقة محد عنده مثله وصار مدير شركات فنادق وخذ الدكتوراة لااااا وفوق هذا ألف علم جديد "تخيلي ألف علم"شنو هالريال !!!
ماشاءالله عليه
NCDهم ديناميكية التكيف العصبي
ابراهيم الفقي يقول ان الnlpفيه وايد اشيا ناقصة ومفقودة والانسان مايقدر يغير شي ويستمر عليه دايما بس الncdالي هو مألفه فيه اسليب جديدة تعلمج اشلون تتكيفين مع التغير مو بس تتغيرين شكله حلو بس انا ماحضرته للأسف الشديد لأني تزوجت وتغربت ؟:(
على طاري الغربة انتي من وين ؟؟أحسج تقربينلي;)
انا هني فدبي بيتنا ورا الجمعية لووول:)

كلامكم حلو وجميل ..

لكن نجي عند التطبيق !!!!!! كل شي يروح ....... بصراحه انا افكر بطريقه يتهيأ لي أنها صحيحه 100% لاكن لما اتكلم مع زوجي أحس كل اللي كنت افكر فيه غلط لأنه قادر على اقناعي بالعكس دائما .. بعدين مووضوع اني اعزل نفسي عن احساس الآخرين بالنسبه لي صعب جدا جدا أحب اكون قريبه من اللي حولي وأفكر فيه اكثر من أني افكر بنفسي واعيش ضروفه تماما مثله ..
حاولت بس ماقدرت احس اني دايم ادور راحة الناس على نفسي ولو كان انسان غريب مااعرفه أهتم بأموره اكثر.. عشان كذا اكون قلقه طوال اليوم وساعات أخاف ماادري من ايش!!!
ومزعجني هالموضوع كثيييييييييييييييييييييييييييييييييييييييييييييييييييييييير ياليت القى مساعده ..

هلا لحظة ميلاد
حبيبتي منو قالج السعادة سهل تحصلينها ,لازم تبذلين عشان تحصلين يعني تبين تكونين مرتاحة وسعيدة مع ريلج وعيالج ما في احسن منهم وشطار بالمدرسة وكل من يحب يسمع كلامج لما اتيمعيين مع ربعج واهلج وعندج وقت حق نفسج تدلعين روحج وتعطينها حقها ومنظمة و,اكيد بتتعبين لي ما توصلين هالمرحلة ,يبيلها شوية تخطيط مع شوية رغبة وحطيها على ناار هاااادية"يعني صبر" وعليج بالعافية:)",بس انتي قلتي
لما اتكلم مع زوجي أحس كل اللي كنت افكر فيه غلط لأنه قادر على اقناعي بالعكس دائما ..
يمكن ماقدرتي توصلين له الفكرة بطريقة صحيحة
بعلمج شي خطييييير قاله لنا محاضر اماراتي نسيت اسمه للأسف بس والله انها تحققت معاي بنسبة 80% "يمكن ما تصدقون كيفكم بس الي تعتقد فيه بيستويلها والي بتقول شهالخرابيط الله معاها..
اذا تبينه يسويلج شي طرشيله مسجات:)
مو مسجات بالموبايل
لأ
مسجات بعقلج؟
يعني فكري فيه وقولي
يا فلان انت"مــا" بترتاح "الا" اذا عطيتني عشيتني فالمطعم الليلة>>>يوعانة الاخت
رددي هالمسج واااايد في عقلج وانتي تشتغلين ولا تسوين اي شي بس فكري في حبيبج ومو لازم يكون قرييب انشالله فاخر الدنيا بتوصله الرسالة ..
مثال ثاني
قولي انت ما بتستانس الا اذا كلمتني وانت فالدوام
واليوم الثاني بتجوفينه داق عليج ويتطمن عليج..
جربو يا جميلات وقولو النتيجة

صدقيني انا ماقلت ان الحصول على السعاده بالأمر الهين ابد واتوقع حتى مجرد التفكير بالكمال مستحيل بالعكس .. ياصبر ايوب ..

تدرين عاد ساعات اقول يمكن اني ماقدرت اوصل له المعلومه صح واحاول ثاني ولاكني ارجع لنفس النقطه بكل مره اعتقد انه مايعطيني فرصه علشان اوضح له صح مااعتقد خطأ مني لأني متأكده من نفسي .. مو غرور لا ولاكن الكل يشهد بهالشي حتى الوالده قبل كانت تقول ياحظ من بياخذك تعرفين تتعاملين مع اللي قدامك حتى انها كانت توكلني بأمور خاصه فيها بس هو ماادري ليه اعجز عن التعامل معه .. احس بخيبة أمل كبيره ..

بالنسبه للمسجات كنت اسويها كثيير بس بعد احس بخيبة أمل لأني ساعات ابني عليها آمال وتطلع في النهايه اني اتعشم بشي ويقعد بخاطري واذا ماصار يضيق صدري .. بس ابرجع اجرب يمكن يمشي معي ..