زوجي وجارتي من جنسيه عربيه

مااحلل نقل موضوعي للانستقرام الله لايسامح ولا يحلل ولايبيح من ينقل موضوعي لاي برنامج
السلام عليكم يابنات اعطوني حل راسي بينفجر من الشك والتفكير كنت مرتاحه ومبسوطه الين جتني جارتي ونكدت علي ولفت لي راسي وحسيت انه فيه شي مو طبيعي جارتي يمكن لها خمس سنوات ساكنه بنفس العماره وكنت اقول لزوجي ابي اتعرف عليها وكان رافض رفض تااااام لين فجأه جاني زوجي وقالي ترا كلمت زوج جارتك وقلت له اذا الاهل يبون يسيرون وكذا انا استغربت وش اللي غير رايه فجئه وسالته قلت له غريبه وش الي غير رايك قالي لانه بيسافر ويبيها تجي تونسني وبعدين قلت شكله كلام لانه ماعزمهم ولا شي لين هنا الوضع طبيعي يابنات
فجأه كذا بعد اسبوعين ثلاثه تقريبا كان يدق علي رقم غريب بطريقه مزعجه وماكنت ارد لين ارسلت لي جارتي انا جارتك وبجيك وكذا استغربت من وين جابت رقمي قلت يمكن زوجي عطى زوجها الرقم مع انه مستحيل يسويها وللامانه هو تفاجئ وقالي اساليها كيف جابت رقمك ولما سالتها قالت اخذته من جاراتك من العماره الثانيه لانها كانت تصلي برمضان وطلبته منهم انا اقتنعت بكلامها نوعا ما لاكن لما جات الحرمه كل سواليفها عن زواج المسيار وان السعودي يتزوج الاجنبيات مسيار عشان السعوديه ماتعرف تتصرف وجلسنا يمكن حول الاربع ساعات وانا وياها كل نقاشنا عن هذا الموضوع كل ماحولت اغير السالفه رجعت لنفس السالفه ان السعوديات غبيات وعندهم فلوس بس مايعرفون يتصرفون وكلام كثير ماحبيت ازودها لان الحرمه في بيتي واحترمتها لان كنت اتجادل معها مرره برغم انها اول زياره
بعد ماراحت جاني زوجي يسال كيف جارتك وكذا قلت له كويسه لان ماحبيت اسولف له سالني اذا عندها عيال قلت له لا ماعندها انا سالتها وقالت لا يالله يابنات زوجي عصب علي لدرجه ماتتخيلونها رمى الكاسه وقاعد يهاوشني حرام عليك تسالينها انتي ماعندك اسلوب تتكلمين فيه احرجتي المسكينه وقعد يهاوش يمكن نص ساعه وانا سااكته مصدومه مره ماقلت ولا كلمه بس نضراتي كانت كلها استغراب بعدين سكت وحاول يسب فيها ويتكلم عنها ويحاول يصرف وتلعثم بالكلام انا سكت وقلت له شكلك مانمت زين عشان كذا تخبص بالكلام وبعدين قالي اي والله مانمت وراح ينام وقعد يفكر وفجأه لبس ثوبه وطلع
ادري كل شي قلته بالتفصيل بس ابيكم تكونون بالصوره وتحطون انفسكم مكاني هل الشيطان يلعب بمخي ولا فيه وحده نفس تفكيري ؟؟