خايفه يفهمني غلط

سامحيني والله مابغا اجرحك بشي والله حسيت قلبي عورني .. انا مؤمنه ان الله يبتلي الانسان وكل انسان عنده ابتلاء والحمد لله على كل حال انا عندي ابتلاءات وراضيه والحمد لله بس والله خفت اني جددت لك جرح سامحيني والله ماهو قصدي ..

لا اله الا الله .. سهالات ترا زوجك ذا ماصار شي والي صار صار

ماسويتي شي غلط ولو اني اصلا ماااا احب المكالمات فتره الملكه ابد .. مالها داعي ..
المهم انتي لازم تفهمين الرجال تفكيره اصلا هالفتره جنسي .. لاااازم الا مايدخلك في جوه

هو اصلا ليش منزوج ؟ فطبيعي الي قاعد يسويه انتي ممكن تكونين معاه في الجو بس كمستمعه واجابات مقتضبه وبعدين خليك ذكية و بسرعه غيري الموضوع .. وانهي الحديث لاتخلينه يطول في كل المكالمات وبس

الي تكلم فتره الملكه لازم تمر بهالموقف فتحملي عشان كذا ماحب المكالمات

وبعد الزواج تصرفي ع طبيعتك .. طبيعتك خجوله وموو معقده احسن حل تصرفي ع طبيعتك لا تتصنعين شي .. وكوني ذكيه دايم وموفقه

لا حبيبتي عادي مسموحه ادعيلي بظهر الغيب عسى ربي يرفع عني هذا البلاء❤️والموضوع ماعمري نسيته عشان تذكريني فيه الله يسعدك لا تشيلين هم ولا تحسين بتأنيب الضمير

نصيحة اسمعي كلام د طارق الحبيب كلام
وتحكمي في مشاعرك حتى لو بين لك أنه يزعل من الحياء
لكن يذكره لك بعد الزواج أنه ميزة

حبيبتي انتي طلبتي راينا فلا تزعلي وتقولي لا تخوفوني.
واللي تقول مافيها شي وانا كنت كذا فاتقي الله في اجابتك لان مو كل الرجال مثل زوجك تقبلها وانتهت.

اغلب رجال مجتمعنا مايفضلون الزوجه الجريئه بعد الزواج على طول فكيف اذا كانت لسى مادخل عليها.

والله نصيحه من اخت تخاف عليك وتحب لك الخير لا يشوف منك الا حيائك ويكفينا احاديث حبيبنا عن الحياء عليه الصلاة والسلام.

حتى زوجك مالنا ولا لك حق نقول لاترسل كذا
بالعكس خليه يرسل اللي يبي بس لاتجاوبيه على اشياء تتطلب فيها حيائك

يكفيك تردين عن اخبارك وسلام وسؤال وبس

رومنسيه وحركات خليها بعد الزواج
وصدقيني مهما تجرا وارسل لك وحاول الا انه يفضل حيائك مهما ادعى الزعل ومهما زعل بس يرجع له عقل بيفرح بثقلك وحيائك.

ولاتجي وحده تقول حلالك وخرابيط
حلالها بعد الزواج بعد مايدخل عليها والا ماكان كثر الانفصال قبل الزواج.

وبهالوقت الشباب صاروا يخافون اكثر من الجريئه بسبب الانفتاح والبرامج والانفلات وماعاد يثقون باي انسانه بدون حياء


.اقسسسم بالله انه زميل زوجي طلق زوجته من جراتها وهذا بعد الزواج وشك في اخلاقها

ولا تقولون مريض وشكاك
لان الرجال ماينلامون اذا البنت او زوجته جريئه ولسى مادخلت عليه او حتى ببداية زواجها ومعروف ان الحياء شعار كل بنت متربيه وبينظر لها نظرة تقدير وثقه واحترام.


فكلمت تبوسني بشفايفي ولو كان مجرد كتابه والله والله ان اغلب الرجال بس يرجع له عقله بينصدم من هالجرأه

نصيحتي لك الثقل ولاتقولين اضعف وبالحلال لان عند الرجال وبهالزمن بالذات ينظرون نظره سيئه حتى لو كان هو اللي طلبك
وباقي شهرين على زواجك ماعتقد انها كثيره والايام سريعه هالوقت وسرعتها تخوف فاشغلي نفسك بعيد عنه وتعذري بانشغالك بالتجهيزات للزواج.

وخلي بينك وبينه كلام وسلام وبس ومهما تكلم اتركيه ع راحته لكن انت لاتبادلينه الجراءه لانك انثى والانثى ميزها الله بالحياء.

عجيب امر بنات هالجيل وين الحياء
احنا تزوجنا ومرت اكثر من سنه ويالله بالله تجرانا على رجالنا وهالشي ولله الحمد كبرنا بنظرهم واحتراهم لتربية اهلنا.


نصيحتي لك من باب المحبه ومن باب تجارب مقربات لي والله

والله يوفقك ويسعدك ويتمم لك على خير وبارك الله لكما وجمع بينكما بخير.


لاتنظري لمن تقول لك حلالك وافعلي ماشئت
لان الندم فيما بعد لان يضر احد سواك.