التجمع ال٩٩للمقبلات على الحقن المجهري واطفال الانابيب

الله عوضج خير
كم لج من الترجيع والفحص هرموني ولا عادي

١٥ يوم اي هرموني و نسبته واحد

بصراحة مرررة تضايقت منها
من الساعه12 الظهر الين الساعه5 وعليها جالسه عندهم علشان سونار وتكتب لي الابر الجديدة ايه صح زحمة بس مو لدرجة اجلس5 ساعات

بنات الله يسعدكم اللي سوت سحب بالطب الدولي تقولي كيف
اخذت بنج كامل والا لا

صباح الخير يابنات اخباركم الف مبروك للي نجحت عملياتهم ويعوّض اللي فشلت عملياتهم بالحمل عاجلاً غير اجل الله يرزقهم بتوأم
ماقصرت كن انت جمعت تقريباً اغلب المعلومات اللي تفيدكم في المستقبل باْذن الله ومثل ماقالت اهتموا باختيار الوقت المناسب للعمليه وتكونون مهيئين نفسياً ومادياً اذا بتسوون في خاص تكونون حاسبين حساب كل التكاليف ومثل ماقالت اهم شي جلسات الليزر تخلصونها انا اللحين انا تحسفت اني ماخلصت 😢
وعالجوا كل المشاكل اللي عندكم حتى جرثومة المعده لانه لو كتب الله حمل راح تتعبون من الوحام ولو فيه جرثومه بتزيد التعب وبالنسبة للاكل قبل العمليه اهتموا بالأكل الصحي سلطات حليب فواكه وعصائر طازجه أكلوا اللي تبونه بس خففوا شوي لانه ايام الترجيع بتنحرمون من أشياء كثيره مثل الغازيات والمنبهات والفاست فود والفلفل والأعشاب بأنواعها وبعد الترجيع بعد ثلاث او اربع ايام اسبحوا بماي مايكون حار ولاتطولون وعليكم بالأكل الصحي وعادي مايمنع لو اشتهيتوا برغر او باستا بس بدون سبايسي والبرغر احسن تسوونها في البيت وتكون مشويه بصراحه عجبتني فكرة برغر البيت احلى وأنظف واكل المطاعم ابتعدوا عنه خصوصاً فترة الصيف تكثر سالفة التسمم وخصوصاً بالسلطات الكورن فليكس يسد الجوع فواكه أكلوا كل الفواكه باستثناء المنغا والأناناس وشوربات الخضره والدجاج والحركة راحه اول ثلاث ايام واذا متخوفين خلوها خمس ايام وبعدها حركة خفيفه يعني تحركي شوي كثرة السدحه تتعب الظهر لاتشيلون ثقيل والماي خلوا عندكم مطارة ماي انا صراحه من بديت تنشيط عندي مطارة ماي زمزم كبيره شربت منها واستبدلت الماي العادي بماي زمزم وعليكم بالرقيه حتى لو ايه الكرسي والمعوذات والنفخ عالبطن الصلاه تقريباً في اليوم التاسع صليت بدون كرسي انا بصراحه فترة الترجيع طحت بكذا خطاء بس ربي ستر وهذا دليل على ان الله الحافظ والحمدلله رب العالمين طبعاً في اليوم الخامس من السحب يعني يمكن في اليوم الثالث للترجيع خذيت ابره تفجيريه يقولون تساعد عالاتصاق وآخر شي بنات اللي عندها عقم غير مفسر وماسوت تحليل amh تسويه ضروري وشي ثاني صدمني الغدة الدرقية لو فيها مشاكل ممكن يتاخر الحمل وتتلخبط الدوره انا توني دريت اني عندي مشكله في الغده وبس اللحين محوليني قسم الغدد وطبعاً أشعة الصبغه مهمه وآخر شي أحسنوا الظن بالله وتوكلوا عليه وتذكروا ان الدكاترة مجرد سبب وان الله مسبب الأسباب.
لو تذكرت شي بضيفه باْذن الله وان شاءالله عقبال ماتتشكون من الوحام وتعب الحمل ادعوا لي الله يتمم لي على خير انا واللي في بطني طمعانه في دعواتكم ❤️❤️❤️