كلهم يجتمعون يعني نحن ليش لا ؟؟يلا يالمتزوجات صفوا ورا بعض نسولف شويه

هلا بنوتات :)

ممكن اسولف وياكم
:26:

قريت اغلب الملف وعجبني مرة وحبيتكم وربي كلكم الله يسعدكم


حبيت اقول للقمورات اللي يغارون على ازواجهم انتبهوا انتبهوا انتبهوا

عن تجربة بلاش من الغيرة الزايدة ترى ماوراها الا عض الأصابع ......الله يجعلكم ماتشوفون اللي شفته وربي ماأتمناه حتى لـ عدوي

واذا ماقدرتوا لاتبيتون لأحد ابدا حتى زوجك لايحس

اذكر امي الله يخليها لي قالت لي لاتورين غيرتك لأحد خصوصا الحريم لايدرون عنها !!



نسيت بعطيكم بطاقة تعريفية موجزة :42:
وهي انها تشبه بطاقة العامرية

تفاحه خضراء انا معك بكل كلمه قلتيها وهذا هو الاساس ... علاقة الانسان بربه ..

كيكة العايله والله اني قاعده افكر اسوي كيكه ... <<< شوفو الشفافيه هههههههه

مو تريقه من جد كنت افكر بهالموضوع ..

ياكيكه حياك المولى وانتي صادقه ياقلبي الغيره شينه طبعا مو كلها الغيره الزايده عن حدها ..

تصدقين كنت من أشد المعجبين بجوال زوجي كل مارن فزيت وكل ماجاه مسج احوص حوله ابي افتحه

ودايم مشاكل علشان هالموضوع وبالنهايه انا اللي خسرانه وغلطانه وهو صح 100% طيب ليه الغلبه كان من الأول الواحد يريح عمره ...

هلا فييج حبيبتي اكييييد نبيج معانا ونبي كل وحدة لانا كلنا بنستفييد من بعض انشالله ...>>مصلحه مو لله:22:
لا من جد حياااج ..تصدقوون يابنات احس اعرفكم كلكم من زماااان....احبكم كلكم:)

بالنسبه للغيرة يا وخيتي تراج صااااجه...والله ماكذبتي..
تجييب المشاكل والزعل
واهم شي تتعب نفسيتنا احنا بالاساس قبل حتى لا يحس هو بغيرتنا..
احننا اللي نغار واحنا اللي نبجي وآخر شي احنا اللي غلطانين وبنلراضيه ونعتذر!!!!!!!!!!!:09:
والله تعب نفسي...شوفي الصراحه انا كنت غيووووووووورة وااايد ولازلت .وانشدي البنااات يعطونج العلوووم اللي هي >>وربي فضاايح!!!!:42:
بس مو عيب اني اقوول ان تعلمت شلوون اتصرف من اختي الاصغر مني...
اختي مع انها اصغر مني وتزوجت معااي بنفس السنه بيني وبينها خمس شهووور بزواجنا..وكانت وقتها عمرها 17 سنهحتى الثانوية للحين ماكانت مخلصتها...
بس كانت احكم مني في بعض الاشياء..
منها واهمها الغيرة..
كنت اشوفها ..هاديه وساكتته..ولما كنت اسألها ليش؟؟ تقوول يعني لو بغااار شنو بسوي راح يستانس ويسوي اللي ابييه؟؟ ماغير راح يتضايق ويهاوشني وبقعد اصيييح واكتأب ...
انا قلت له كلممه وحده..يافلان انا اذا اغار عليك اغار من الاشياء اللي حرمها ربي علييك ويحاسبك عليها..اغار عليك من ذنوبك بس حسناتك..اغبطك عليها واتمناها لك واشجعك عليها..
علشان جذي انا ماراح انكد عليك بس الله بيحاسبك..اذا ظلمتني بشي او سويت شي غلط (قصدها اذا طالع حرييم) مو انا والمفرووض انت اللي تغار على عينك وجسمك من النار مو آنا...
فانت حر..بس تذكر شي واحد ان انت اغلى شي عندي وانا احبك فياريت تسوي اللي تقدر عليه علشان نلتقي بالجنه بعد!!!!
وبس..
عااد هي واايد مرتاحه..
وانا عرفت هالسر بعد مده طوييله عانيت فيها وااايد وماقلت لزوجي هالكلااام بس طبقته على طوول وقلت له ان انا اثق بالله وفييك وكل واحد بينا بقبره محد له شغل بذنوب الثاني..
وانا احبك...>>>لازم اقول هالكلمة واللا ما اطلع انا:22:
وبس والله ارتحت خليت هالاشيااء على الله
بس مايمنع ان اغاار وابين له على بعض الاشياء بس عشاان يحس بغلاه ..وترى الرياييل ماينعرف لهم يووم تغارين قالوا حكرتيني ويوووم ماغرتي قاال ماتحبني وانتي قالب ثلج..فخليك وسط وانشالله ترتاحيييين...لي عوده