زوجي مزنوق وشرت عليه ابيع ذهبي

توك اربع شهور يعني ما عاشريته سنين علشان تعرفيه زين ذهبك لك لا تفرطين فيه ما تدرين وش تخبي لك انتي الايام
ودامه تزوج يتحمل يتسلف من اي احد او ياخذ قرض وذهبك الله لا يحوجك لحد اذا صار ظرف لك وقتها يكون فيه شيء تسندين عليه

اذكرك بكره تجي تشكي اخذ ذهبي وعمل فيني ونكر المعروف..


الحريم كومة غباء بمسمى الطيبه


الله يعينا وخل هياطها ينفعها

للاسف على كثر قصص معاناة الحريم بهالمنتدى وظلم رجالهم لهم وماتعظتي


لكن بني ادم مايتعظ الا بنفسه وقل من يتعظ بغيره


انتي بوقت قلة فيه الامانه والرعيه والخوف من الله وصارت الماده للرجال اهم من كل هالاشياء




تحملي غلطتك ولاتجين تشتكين منه بكره
لكن نتمنى من الله ان يكون زوجك تقي ويخاف الله ويقدر معروفك ويرده لك بالمثل واكثر ولو اني بهالزمن ماقد سمعت رجل قدر معروف زوجته وطيب خاطرها ورد معروفها




بالعكس والله راح يتعود كل ماضاقت عليه اموره لازم انتي اللي تساعديه حتى لو ماكنتي موظفه واذا مليتي بعدين من تصرفاته وعاتبتيه يتهمك انتي بالانانيه والتقصير وانك ماتقدرين العشره
حاولي ماتعودينه كل ماضاق تبيعي ذهبك وتقدمين له المال او تحرمي نفسك الحياة عشان توفرين له ويتعود على هالطبع حتى لو زانت ظروفه واقتصادك له راح يروح لغيرك..


خليك اذكى منه وهذه حركات الازواج كلهم بعد الزواج بفتره بسيطه يبدى يشتكي من ضيق الحال ويستغل طيبة وخجل زوجته ولو كان اصلا رجل ماتجرا واخذ ذهبها مهما كانت ظروفه