التجمع الاول لحوامل مارس وابريل ٢٠١٨ ❤️

صباح الخير ..
والله انا مافهمت النوم نرات انام ما اشبع و مرات أرق 🙄
الله يعين
يوم الثلاثاء ان شاء الله اخلص ٨ اسابيع و اخيرا بدخل الشهر الثالث يارب يتمم على خير و يرزقنا الخلقه التامه ❤️
تحسون بطنكم بدأ يكبر و الا مافيه تغيير !!

الله يسعدك وانا اقول اذا زاد باخذ منها شكلي باخذها الليله

وعليكم السلام
الله يعينك ويقويك

صباح النور
الله يتمم لك على خير
اعد الايام بس عشان ادخل الثالث لسه في الاسبوع السادس الله يعدي هالايام على خير
بالنسبه للنوم دايما نعسانه واذا ما كنت مشغولة في الويكند تلاقيني دايما نايمه واصحى راسي مصدع مو متعودة على كثرة النوم وبعد كم ساعه تلاقيني ودي ارجع انام تعبت احس نفسي مريضه كله انام

صباح الخيرات
هذا الحمل السادس لي وماكان في الحسبان بس الحمدلله على ماجاء من ربي
وكانت نفسيتي زفت ووحمي شييين وبديت اشوف مقاطع للبيبيات وعن التجهيزات والحمدلله تحسنت نفسيتي واشتقت اشوف جنيني بين يديني ،، وعيالي متحمسيين اكثر مني
عندي بنتين 12 11
وولدين 9 4 ونص
والبكر توفت وعمرها 3 شهور كانت في العنايه من ولدتها بسبب اختناق وقت الولاده وماينعرف السبب والحمدلله عوضني ربي بالاربعة

الحين في الاسبوع 14 لسى في نص المشوار ربي يتمم على خير والجمييع ♥️