التجمع السادس لمواليدنوفمبر وديسمبر 2017

ماشاء الله حلو نظامكم

بسم الله وماشاء الله
انشغلت عنكم شوي رجعت والدنيا نشاط وحيويه 💕
ماعاد عرفت وش اعلق عليه
بس اللي تقول قالوا لها سكر انتبهي لنفسك ولاتحاتين ولاتشيلين هم شي توكلي ع الله وسوي حميه
انا طلبوا اعيد السكر التراكمي ومدري وش بيطلع معي والله ييسر لنا ويحفظنا من كل شر
بالنسبه ندوشه الخدم مااقدر افيدك اشوف ان الحظ والنصيب له دور فيها والله يوفقك بخادمه تريحك وتعينك يارب 🙌🏻💕
بالنسبه لمكان النفاس ان شاء الله عند امي وهذي ولادتي الثالثه وع خير عند امي
ماكنت كرهت بيتي بس زوجي مايراعي الله يسخره ويهديه ولاعندي احد يساعد ولاعنده خوات هو وحيد امه والناس ماعندهم صبر هجوم من اول يومين وماعندي خادمه ولاسيوله للاجار
احسن اروح لاامي خواتي بيجون عندي كل فتره وحده وامي عندها خادمه اثيويبه تجيب العافيه

ونظام النفاس بعيالي
الاكل الفطور بر وعسل وسمن وحليب يسوون ترمس صغير عليه زنجبيل وقرفه وحلبه وفلفل اسود وحبه البركه
الغداء يكون تشريب ولحم او مرقوق او مطازيز
والقهاوي تكون قشر قهوه عليه يانسون وشمر ونانخه
وقرف هذي ترامس طول اليوم نشرب منها حتى تخلص
العشاء شوربه شوفان او اي شي
وفيه حسب نظام النوم بيكون فيه فواكه وبعد عصير برتقال مااستغني عنه عشان تكرمون الباطنيه اوقات الصباح ع الريق او عنب ع الريق
والتمر كنت اعجن حافظه وعليها شوي سمن ورشاد ببكري بس كان سكري مرتفع فجاه بعد الولاده وقطعته
والمنطقه اهلي كانوا يحطون قرض ومر وخواجوا وملح ومدري شنو هذي غسول
وبخور مر ولبان وخواجوا
بس الملح بالذات والنقع او الغسل فيهم لاحظته يفك الخيوط قبل وقتها قبل يلتئم صح
وعشان كذا بالثاني كنت اعتمد ميبو وغسول بيتادين واوقات قليله مره لو تعرضت للروائح عطريه
بس حابه اجرب اللي قالت ندوشه تحاميل
لاني ابي شي يضيق المنطقه غير كيجل

المر**عشان الروائح
التحاميل ودي فيها ولو اني اخاف من هالخلطات بس لاني كنت افكر بخياطه تجميليه بس مشكلتها صعبه لو حملت وولدت بعدها

اي اسبوع افضل لعمل الاشعة الرباعية ..وهل تبين جنس البيبي ؟
واللي من الرياض فيه احد يعرف مستوصف كويس لعمل الاشعة ؟