التجمع (36) لأجمل حوامل وأمهات التوائم

نونه الحمدلله على سلامتك 💕

اذكر بالاسبوع ٢٧كانت اوزانهم٩٠٠وعليها قريب كيلو
ومارجعت سألت عن الوزن الا بالاسبوع ٣٤ نهايته وكانت ماشاء الله ٢كيلو وكم غرام ناسيه بالضبط
واصلا لما تنومت بالمستشفى أسبوع كنت بداية اسبوع ٣٤ وولدت نهاية ٣٥وخلال هالفتره بطني كبرت فجأه بشكل ملحوظ واتوقع فعلا الزياده سريعه بالاسابيع الاخيره

ولااوصيك اهتمي بالاكل المفيد وحليب بالموز فرش
انا كنت من الرابع اسوي حليب بالموز
احط بالخلاط كاسة حليب سعوديه وموزه واكثر ثلج واشربه لذيذ ومفيد ومعروف يزيد وزن البيبي

وكنت اغصب نفسي عالاكل عشانهم
تمنيت مايدخلوا حضانه بسبب الوزن واللهم لك الحمد كان وزنهم زين

وعقبال كل التجمع يفرحوا بنوناتهم 💕💕

ماشاءالله تبارك الله

هذاني والله احاول مايقل اكلي
يارب مايحتاجون الحضانه من شر

طيب بسالك متى وقفتي المثبتات و وش كانت مثبتاتك حبوب وابر ولا ايش؟؟

ولادتك ليه صارت في نهاية ال٣٥ هل جاك مشاكل اضطرو ينومونك؟؟ نسيت وش قلتي بخصوص هالموضوع

ياعمري ماتفقدين غالي
والله يقومك واجنتك بالسلامة وتثرين القروب بالطاقات الايجابية
فترة وتعدي والله يهونها عليك وعلى الكرووشات

دوووم ان شاء الله
في البداية احس فترة النفاس والتعامل مع التوم مثل الجهاد ويمكن وضعك احسن مني بين اهلك واحبابك ..انا كنت وحدي والحمد لله فترة وعدت وكنت دايم اطلب العون والصبر من الله وان ييسر لي ربي الاهتمام بهم وبشؤون بيتي ..

اهم شي عوديهم على نفس النظام ..تنوميهم وترضعيهم وتروشيهم في نفس الوقت واللي ساعدني اكثر غير سريريهم الهزازات وتعتبر مررة جميلة وتلم الطفل وتحسسه بالأمان واذا عندك احد يساعدك تقدري تطلبي منه يهزهم بشويش طبعا وراح ينامو ووقتها تفضي انتي لاي شغلة ثانية في بيتك والحمد لله الحين في اجازة مو وقت دراسة وحوسة واجبات واختبارات ...

وبالنسبة للختان انا خليت بينهم خمس ايام تقريبا بس اذا عندك احد يساعدك اختنيهم في نفس اليوم

وبالنسبة للنووم😭😭😭هو اكثر شي كنت ومازلت اعاني منه بس الحمد لله تحسنوا كثير وصاروا ينامون تقريبا من خمس لست ساعات متواصلة بس ترضعيهم فيها من وقت لوقت