خاطري اكمل مستقبلي فيدوني

السلام عليكم ورحمة الله وبركاته


اخواتي انا ايام الدراسه وانا حلمي اني اكمل جامعه واتوضف
والحمدلله كنت متفةقه لكن اخر سنه بالثانويه قررت اعيد السنه لجل اخذ معدل عالي لان بسنتنا كان نظام القدرات وكنت اروح المدرسه بدون مذاكره لجل اعيدها لان ابوي مايرضى نغيب المهم صرت اكتب من عقلي اي شيئ بالاختبارات ومشاني بنتيجه جيد خلاص تقطع قلبي حيل حزنت ع نفسي دخلت معهد لغه لان الجامعه ماقبلتني سجلت معهد ولا كملت لان تزوجت وعندي طفلين الحين عمري حدود 26او 27والحلم بعده يطاردني ياريت فيه اي كليه او جامعه تقبلني سجلت معهد قبل كم شهر درست سته اشهر ووقفت لان خاطري ادرس جامعه
والحين شهادتي تعدت اكثر من خمس سنين ياريت تفيدوني اذا فيه جامعه تقبلني مثل فيصل بفلوس او حتى لو كليه مثل التميز او نياجرا عادي اذا بفلوس او لا سمعت عن الجامعه الالكترونيه وخفت لان دراستها مثل الانتساب فيدوني

10 تعليق 4,048 مشاهدة

شاركي في النقاش

سجلي الدخول لإضافة تعليق.

التعليقات

10
  1. جامعة نوره بفلوس تقديم الدبلومات
    1. دبلوم اللغة الانجليزية (3893) ريال للفصل الدراسي + (100) ريال رسوم تسجيل
    دبلوم متوسط
    4 فصول دراسية
    English Language Diploma
    2. دبلوم علوم الحاسب الآلي (تقنية البرمجة) (5168) ريال للفصل الدراسي + (100) ريال رسوم تسجيل
    دبلوم متوسط
    4 فصول دراسية
    Programming Technology Diploma
    3. دبلوم إدارة موارد بشرية (3500)ريال للفصل الدراسي+(100) رسوم تسجيل
    دبلوم متوسط
    5 فصول دراسية
    Human Resources Management
    4. دبلوم ممارسة العلاقات العامة (3645) ريال للفصل الدراسي + (100) ريال رسوم تسجيل
    دبلوم متوسط
    4 فصول دراسية
    Public Relation chip Diploma
    5. دبلوم التحرير والسكرتارية (4000)ريال للفصل الدراسي+(100)ريال رسوم تسجيل
    دبلوم متوسط
    فصلين دراسيان
    Secretary diploma
    6. دبلوم الأنظمة (3920) ريال للفصل الدراسي+(100)ريال رسوم تسجيل
    دبلوم متوسط
    5 فصول دراسية
    Regulations diploma
  2. @elham_6

    زهرة الموف سلمت يدينك ..


    اضافة للدبلومات تقدرين تدرسين بكالوريوس بالجامعة الالكترونية
    ولا يشترطون مرور سنوات معينة على تخرجك من الثانوي ، تدخلين التنافس حسب نسبتك فقط
    شوفي هنا
    https://www.seu.edu.sa/sites/a...



    ترمهم ب 13 الف ، انا ادرس عندهم ماجستير
    نظام التعليم حقهم مدمج يعني اونلاين وتروحين برضو للكلية تحضرين محاضرات
    المناهج من جامعات امريكية زي فرانكلين وكولورادو


    هذي الكلية الوحيدة الي اعرفها تخليك تدرسين بكالوريوس
  3. @thoon_1

    صاحبة الموضوع
    زهرة الموف
    يعطيك العافيه بعد قلبي انا بالشرقيه الاحساء مقدر اطلع ادرس برا الاحساء


    الهام
    يعطيك العافيه حبيبتي ياريت تفيديني اكثر عن الجامعه الالكترونيه كم سنه لك تدرسين وشنو اسم التخصص وشنو رايك بدراستهم يعني لها مستقبل او تعرفين اشخاص تخرجت بشهاده انتظام وتوضفوا
    بتعبك ي قلبي
  4. @elham_6

    تهوون
    زهرة الموف يعطيك العافيه بعد قلبي انا بالشرقيه الاحساء مقدر اطلع ادرس برا الاحساء الهام يعطيك العافيه حبيبتي ياريت تفيديني اكثر عن الجامعه الالكترونيه كم سنه لك تدرسين وشنو اسم التخصص وشنو رايك بدراستهم يعني لها مستقبل او تعرفين اشخاص ت…
    اهلا وسهلا ياعسل

    الجامعة هذي انا ادرس فيها ماجستير ادارة اعمال ، والنظام مدمج
    يعني في مدرسات امريكيات يدرسونا ومفروض نسلمهم الواجبات بمواعيد محددة
    وبرضو في محاضرات لازم نحضرها بمقر الجامعة بالرياض ، طبعا الجامعة لها فروع بجدة والدمام واماكن ثانية ماذكرها ..
    لكن هم يكتبون بشهادة التخرج انها انتظام ، مذكور هالشي بالموقع ..
    كملت فيها سنة كانت حلوة رغم بعض الصعوبات (تعاون ادارة الجامعة مع شكاوي
    الطلاب مو ذاك الزود ) ، وباقي لي سنة ونص واتخرج ..

    لكن اذا في ناس توظفت بشهادتها او لا ما اعرف والله ..
  5. @thoon_1

    صاحبة الموضوع
    يعطيك العافيه ي قلبي
    الله يوفقك وان شاء الله بستفسر اكثر واسجل فيها

تابعي تجارب أخرى من هذا القسم.