السلام عليكم
كيفكم بنات.. انا طبعا من زمان اتبعكم بس توني سجلت
لان حسيت في هالوقت احتاج افضفض واتكلم مع ناس في نفس وضعي..
طبعا انا الان في تركيا ومقبلين على عمليه الحقن المجهري
لاول مره.. بكره ان شاءالله راح يكون السحب..
قصتي انا متزوجه من ثلاث سنوات بعد سنه من الفحوصات اكتشفنا ان المشكله عند زوجي الحيوانات صفر
قال الدكتور بسبب الدوالي.. فكرنا نسوي عمليه الدوالي عندنا في البحرين عند الدكتور محمد الدرازي.. بس زوجي ما كان مرتاح طبعا خبره بعد عمليه الدوالي ب 6شهور راح يسوي تفتيش مجهري..
زوجي استشار زوج اخته عنده مكتب استشارات طبيه وانسان مطلع وفاهم.. نصحه لا تسوي شي في البحرين ولا تخسر فلوس عندنا.. نصحنا بكذا دوله منها الهند وتركيا و اوكرانيا
طرش اوراقنا والفحوصات لكل هذي الدول واستقرينا على تركيا..
رحنا تركيا شهر 12/ 2016 .. خبرونا انا راح يسوون الدوالي وفي نفس الوقت تفتيش مجهري.. والحمدالله لقو بعد التفتيش عدد من الحيوانات المنويه جمدناها..
وخبرونا ان نقدر نجي شهر 4للتقيح.. بس احنا ناسبنا هالشهر الي هو شهر 7و بدينا علاج لحد الان مثل ماخبرتكم بكره ان شاءالله السحب.. دعواتكم بالتسهيل والتيسيير
التجمع ال(100) للمقبلات ع الحقن المجهري
متابعة النقاش، صفحة 85