موضوع طليقة زوجي 😂😂

المفروض تتواصل مع ام زوجك مو عمتها مدري خالتها ماندخل في نيتها لكن حقك لاتردين عليها واذا بغت شي قولي كلمي الجدة فعليا انتي مالك دخل هم أقارب ويصلحون مع بعض

هي كانت تكلمه وانا اللي وقفت بوجهها وهو كان يكرشها وكانت تتصل لين هي تزوجت بعدها انا اعطيتها رقمي وصارت سالفه ومشاكل وقلت لها لا عاد تتصلين علي ابدا وسويت لها حظر من جوالي

واللشي الثاني ترا حنا بالسعوديه والمدارس باقي عليها حول الشهر صح ولا ؟؟ ايش يجيب دحين طاري المدرس والمدرسة الأهليه غير انها ما لقت سالفه هذا شي من الاشياء اللي ما ذكرتها هي مواضيع تَو صايره لو احكي ايش كمان كانت تطلب وايش قالت عني وايش طلعت فيني اشاعه تعرفين ليش انا حضرتها من جوالي

ايوووا طيب اقولك ليش انا ما خليتها تتصل علّيا

دقت يوم وقالت ابي حضانه للأطفال قلت لها الحضانه لازم ورقه من المحكمه تروحي انتي وهو واطلبي حضانه وهو يعطيك

مع الايام يوم طلعت سالفه قامت اقول ان انا قلت لها روحي ارفعي قضيه على ابوهم وخذي الحضانه منه اقسم لك بالله والله على م اقول شهيد ان هذا اللي حصل وتبلتني وانا م قلت هذا كلو بس زوجي كان بصفي

اللشي الثاني انا قلت لا تتصلين ومسويه لها حظر قلت قولي لعماتهم ايش اللي تبغينه وفوق ذا دقت علي من جوال امها ايش بعقلك يوم تتعمد تتواصل أسبوعيا وكل اسبوع طالعه بسالفه

امه متوفيه عشان كذا قلت لها تواصلي مع عماتهم

بالعكس غلطانه قلتي لها إيش دخلني و تخلينها تتوسط بعماته ..كان قلتي إن شاء الله أبلغه و خلي تواصلهم يكون عن طريقك و كله قدامك أفضل و عني أشوفها صريحة و نيتها طيبة طالما كلمتك و مسألة تتذكر مواقف معاه صدقيني دليل إنها ع سجيتها و اللي في بالها ع لسانها و حتى لو نيتها غير جاتك الفرصة لحدك تكونين الواسطة بينهم في أمور أولادهم ..افرضي عماتهم طفشوا من الطلبات و قالوا لها تواصلي معاه دايركت طالما زوجته ما بتدخل و إحنا بعد مو فاضين ؟! وقتها إيش بتسوين؟ كلمي زوجك و قولي اتصلت و تقول كذا و كذا و شوفي رأيه و بعدها اتصلي فيها ع جوال أمهاو قولي يا أم فلان أنا بصراحة لما فكرت ف الموضوع لقيت إني علطانه و الأولاد هم الأهم لذلك كلمت أبو فلان و كان رده كذا و كذا و لو احتجتي أي شيء منه بخصوص الأولاد كلميني ما فيه أي مشكلة ..