خادمتي الفلبينية ومشاكلها 😩

الخدم وما إدراكي حبيبتي امب كل حد تعامليه بالزين بقدرج والله كان عندي عامل بنغالي عمري ما حاسبته عاملته بما يرضي الله مع ان في ناس قالو ا انه حرامي وغيره بس ماصدقت لان كان يُبين العكس تم ٨ سنوات وزدت معاشه لدرجه كان فاتح دكان بالعزبه يبيع ويربح بدون موافقتي بس ما قلت له شي وقام ياخذ السياره بدون أذني مع أني نبهته اكثر من مره وكانوا كل العمال الثانيين يحسدونه لدرجه يتمنون يشتغلون عندي بس بني آدم طماع جاء وقال بشتري سياره وبوصل ركاب قلت عمل غير قانوني وفيها غرامه يمكن انا بتبهذل قال زيدي راتبي قلت ليش أزيد راتب عالي مقارنه بالعمال الثانيين طبعا طنش كلامي ما كان يسوي الشغل ياخذ السياره يوصل الركاب وياخذ منهم فلوس وشغل العزبه كان العامل الثاني يسويه كله وكان يقول للعامل الثاني اذا سألوك عني وانا غائب ٤ ساعات لا تقل ٤ ساعات قول توه طلع .اكثر من مره كنت اروح ما احصله كان طول الوقت بره مايرجع الا باخر الليل ويوم ما يحصل ركاب يتم جالس يلعب بتلفونه. كان ياخذ راتب بدون الشغل لين ما العامل الثاني تعب من الضغط في الشغل لان هذاك كان يتامر عليه وخبرني ويوم واجهته قام يطول لسانه ويغلط ويسب وقلت انت تأخذ راتب بدون ما تشتغل وعندي شهود قال انتوا اهم شي عندكم الشغل يخلص صح ولا لا؟ كيف يخلص مب شغلكم. قلت والله يعني هذاك يشتغل وانت تأخذ راتب؟ يعني تاكل حرام ؟المهم قلت مالك راتب وما تجلس عندي لأنك تأخذ عبريه بشكل مخالف وهذا مخالف للقانون يمكن يعرضني انا المساله القانونيه غير انك بطلت تشتغل وبس تأخذ راتب يعني خيانه امانه وسرقه . الحين خسر وظيفته وسيارته اختربت .فاللي تقول حرام وخليه ترى انا كنت مثلكم لين شفت بعيني انتي يوم تعطين التلفون والنت وتطلع بره تراها بتتعرف على ناس لازم بتتغير لان في غيرها بشجعها ويخربها من جنسيتها يعني كل المعامله الطيبه اللي سويتي لها ما بياثر فيها لان انتي مجرد اجنبيه تشتغل عندها وهي تبي تستمتع بحياتها . وراح تسمعين كلمه منها راح تقولج انتي عليج من شغلي انا اسوي الشغل واخلص بعد الشغل انا كيفي انتي شو خصج . صار هذا الكلام مع ربيعتي يوم كشفت خدامتها تواعد رجال وانا يوم كشفت العامل وحركاته كلهم قالوا نفس الكلام انتي عليج من الشغل ما يخصج انا بره اطلع شو اسوي. فالافضل تخلصي منها لان خلاص هي شافت شو صاير بره مستحيل تقعد بالبيت والجديدة لا تعطينها التلفون وخلي طلعتها معاج ما تطلع لوحدها

حبيبتي الخرجة مع اخوها غير عن الخرجة معاك , من حقها تخرج في يوم اجازتها و في ساعات راحتها انتبهي تظلمينها تحقد عليك و تسوي لك مصيبة اعطيها مساحتها الخاصة بدون تدخلات و رجعي لها شريحتها

اول شي عطيها ووال ابو كشاف خليها تكلم مثل ماتبي اهم شي مي مقصره فيه شغلها وبالنسبه لا اخوها حرام عليك يعني هي محرومه من اهلها واخوها عندها وتحرميها منه قولي لها طلعاتك معاي واخوك عندك يوم الجمعه او الخميس في اليوم اللي انت تروحي فيه عند اهلك تغيري جوي هي تروح مع اخوها مثلا من العصر لليل واذا انت خايفه انها مي مع اخوها او تسوي شي غلط خلي زوجك يراقبها مره ومرتين واذا صدق مع اخوها خلاص يصير لها يوم بالاسبوع تروح تتمشى هي وياه والجوال خليها تكلم مثل م تبي اهم شي شغلها توب خلاص لاتظلميها علشان م تحقد عليك ولك الاجر ان شالله

تروح في إجازتها مو كل يوم وتكلم في ساعات راحتها مو طول الوقت والفلبينيات يعرفون العقد وايش معناه ومعنى الالتزام وتعرف ساعات العمل وايش لها وايش عليها يعني اذا بتطلع وتكلم في وقت الشغل غالبا عارفة انها تلعب عليك. والله اعلم قولي تروحين في الإجازة غيره لا او اخصم عليك فلوس الساعات الي تطلعينها ووقت شغلك مااشوف التلفون تكلم في وقتها الخاص وقت الشغل للشغل

كثيرين يعانون من نفس نوعية هالمشاكل مع خدمهم .. لكن !!!! نحن الحين في عام ٢٠١٧... زمن العبودية انتهت........... يعني اذا شغالتك شغلها مضبوط ومافي مشاكل ثانية تمسكي فيها ...... لانه زمن انه الشغاله تجلس لك في البيت وما تمارس اي حق انساني لنفسها .. معد فيه !!!!! هذا الشي لازم الكل يحطه في باله.. انتهى زمن اللي الشغالة تجلي في البيت تشتغل وتاكل وتشرب فقط .... ما تبينها تزور اهلها ولا تكلمهم الا من جوالك ولا ولا...الخ .. معد فيه كذا الحين .. خاصة الأجناس الاسويه الفلبين/ واعيين مافيهم جهل فضيع.. انا اتفهم خوف بعض العوائل على شغالتهم .. لانهم جايبينهم بمبلغ وقدره..فما يهون عليها تهرب ولا شي ... لكن مثل ما قلت .. العبودية اللي كانت تصير زمان الحين معاد فيه .. إلا ما قل ...