السلام عليكم ورحمة الله وبركاته
أولا كل أخت دخلت موضوعي جزاك الله خير ولا أراك مكروه في نفسك أو غالي عليك..
ثانيا ارجو من المشرفات ماينقلو الموضوع لأني في هم مايعلم فيه إلا الله وهذا أكثر قسم يدخلوه الأخوات لعل الله يكتب لي الفرج
ثالثا يا أخوات الله يسعدكم قبل ما أطرح مشكلتي انا ابغى حلوووول أو دعاء لعل فيكم مستجابة الدعوة ما ابغى أحد يخوفني فوق ماانا خايفه ومهمومه حتى التلميحات " أن بغيت اقول لكن ماابغى اخوفك" بلالالاش أسألكم بالله بلاش تخويف ولا تلميح.
ندخل في المشكلة
ولدي عمره سبع سنوات صار له أكثر من الأسبوع وهو تجيه نوبات خوف فضيع يصيح ويقول ياماما انا خايف مرره مدري ليش. .. وحزن يبكي ولا يبغى أحد يشوفه أو يسأله. ..والأدهى من هذا أنه يشوف أشياء غير موجودة في البيت او في اشكالناويصيح وش هذا وش هذا واذا سألته يرفض يجاوب أو يقول وحش ...انا اقرأ عليه واخليه يقرأ الأذكار والمعوذات وأحاول ألقى حل
يارب لاتحرمني ولدي الوحيد يارب استودعتك حبيبي
شاركي في النقاش
سجلي الدخول لإضافة تعليق.
التعليقات
24- الله يحفظه لك يارب ... شغلي له سورة البقره .. يمكن شايف شي يخوف بالتلفزيون ومتأثر .. ان شاء الله مافيه الا العافيه
- استهدي بالله حبيبتي والله مقدمه الموضوع خوفتيني حسبت في شي كبير ..لا تخافي الطفل بسن معينه يبدأ يخاف وهذا من التطور الطبيعي العقلي للطفل اسالس اخوانه من خوفه ..ابنك شاف شي خوفه جدا وهذا هو السبب وهو شي مؤقت ﻻ تخافي ويمرون فيه الاطفال ..لمن كنا صغار كذا استهدي بالله انتي خايفه اكثر منه وتعكسي خوفك عليه ..حصنيه وخليه يسمعك وانتي تقرأي الفاتحه عليه ذكر الله يعطي سكينه وهدوء للنفس شوفي شاف شي بالحوال بالتلفزيون احد من اخوانه يخوفه دوري عن السبب واقطعي مصدره وربي يخلي لك ابنك يارب ويسعده ..
بتول~ استهدي بالله حبيبتي والله مقدمه الموضوع خوفتيني حسبت في شي كبير ..لا تخافي الطفل بسن معينه يبدأ يخاف وهذا من التطور الطبيعي العقلي للطفل اسالس اخوانه من خوفه ..ابنك شاف شي خوفه جدا وهذا هو السبب وهو شي مؤقت ﻻ تخافي ويمرون فيه الاطفال ..لمن…
👍وامشي معاه للاماكن اللي خايف منها وريه انو مافيها شي عشان يطمن- الله لا يوريك مكروه في ولدك ولا فيك يا اختي
أنا زوجي راقي وقريت عليه معاناة ولدك قال البيت فيه عمار والولد فيه مس فعليكم بالرقية وسورة البقرة كل يوم وشجعي ولدك لا تخليه يخاف والأذكار وكونوا على وضوء دائما وابنك ايضا ولا تخليه يرقد بغرفة لحاله ولا يلعب بغرفة لحاله واذكروا الله كثيرا واي صورة بالبيت احذفيها حتى الصور التي بالعلب او بالجبنة والتلفزيون تخلصي منه وما في خوف يا اختي وأسأل الله تعالى ان يبعد عنكم شر الجن والإنس أجمعين . - الله يسعدكم سعاده لا شقاء بعدها يارب....
أول ليلة خاف فيها انشغلت عنه بسبب ضيوف وسمحت له يأخذ الجوال ومدري ايش شاف وجايسالني بخوووف يقول شفت مفحط انقطعت رجله والبنت أخذت الرجل ورمتها ليش كذا ؟ قلت له هذا ثمثيل مو حقيقه مافهم علي والساعة 1 نص الليل يصيح بشكل هستيري" ويغطي عينه ويقول اختي شريره شكلها "عمرها سنه" هديته وسميت عليه وضميته وقعد يشجع نفسه ويقول مافي شي يخوف والرجل ماتنقطع ويعيد السالفه بعدها بثواني صار يبكي بحزن شديد ويحط يده على رأسه ويقول يارب ليش انا خايف مادري ...ومن بعدها يوميا خايف ويصيح ويضرب أخته وأكثر من مره ألقى معه سكين ومره كتم أخته بالبطانية يقول شكلها مخيف خليها تموت تروح الجنه ... أو يطالع في بخوووف ويقول انتي ماما ؟
يابنات انا حالتي حااااله مدري ايش صار له يارب ياحي ياقيوم اكشف عن ابني الضر يارب
مواضيع مشابهة
تابعي تجارب أخرى من هذا القسم.