التجمع ال(100) للمقبلات ع الحقن المجهري

الله يسلمكم جميعا

هلا بنات شخباركم ؟ بشروني عنكم الله لا يضيع تعب احد فينا يارب ،
ان شاء الله ربي معانا كلنا اللي ف التنشيط واللي سحب واللي رجعت واللي تنتظر
الله يبشرنا كلنا يارب بالحمل السليم التااااام يارب، الله يفرحنا يا خواتي ،،،
انا بكره عندي موعد اتوقع عشان تحدد السحب !!
بنات اذا سوت سونار وشافت حجمهم اوكي؟ تعطيني الابره التفجيريه؟ ظني هذا اسمها ؟
واذا عطتني هالابره متى يصير السحب ؟
ومتى يخبروني كم تلقح وكم ضبط ومتى يكون الترجيع؟
امانه بنات ويش تنصحوني بعد السحب ؟ وبعد الترجيع شسوي ؟؟؟
ترا هذي اول مره وماعرف شي بالمره ودكتورتي ماتشرح كل شي عندها بسرعه بسرعه !!!

اذا وصلت الحجم المناسب يعطونك الابره التفجيريه ويحددون لك ساعه لازم لازم تضربينها بنفس الوقت
لان مهم جدا الوقت
وبعدين تنتظرين اليوم اللي اخذتي في الابره واللي بعده واللي بعده السحب يكون
واذا تم السحب يعلمونك كم سحبو منك
واليوم الثاني يتصلون يعلمون كم تلقح واي درجه
ووقت الترجيع
ارتاحي بعد الترجيع وحاولي بنفس يوم الترجيع ماتثقلين بالاكل وكثري عصير تفاح والمويه
والحليب مع النشا والزبادي
واليوم الثاني كلي عادي
بس ابعدي عن المحرضات مثل القرفه والعسل والحاجات الحاره
واول واخير كل بيد الله هو الحافظ والرازق

مساء الخير حبيباتي اني اول مره اشارك بمنتدى شفت لمتكم الحلوه ربي يديمهه ومعلوماتكم الرائعه عجبتني
اني حبيت انظم معاكم اذا تحبون
اني اليوم العاشر من ارجاع الاجنه اتمنى تدعولي ربي يثبتهم بس حابه اسال عن تجاربكم اني عندي الالم تجي وتروح مثل الالم الدوره من اليوم السادس تقريبا من الارجاع واني بطبيعتي بموعد الدوره من تجي مااحس باالم الاقبل يوم من موعدهه شاركوني تجاربكم
اسفه ع الاطاله بس انتو المتنفس الوحيد الي محد يدري اني مسويه اطفال انابيب

الالم طبيعي لا تفكرين فيه
الله يثبت مافي رحمك