مشكله تحتاج لحكيمة او دعوه صادقه

لاحول ولاقوة الا بالله الله يهديها ويصلحها كله غلط في غلط وحرام لازم تخاف الله سبحانه ولاتحط اخطاءها بسبب زوجها وزوجها ع كلامها مايسوي غلط اصدقاء السوء هم اللي يرسلون لها وصاخات واغلب الشباب الله يهديهم يرسلون ع بعض كذا وعندهم عادي بس هي الله يصلحها اللي مشت طريق الغلط وركضت ورا الشيطان والعياذ بالله وزوجها ماده ذنب في اللي هي قلعده تسويه واذا ع الاهمال كلنا ازواجنا مهملينا وصابرات ومحتسبات الاجر والحياه صبر وتعاون كله الا الغلط والمعاكسات والتصوير وامور الحرام والعياذ بالله لازم تتذكر ان وراها موت وحساب وعذاب وقبر ومنكر ونكير ولازم تحمد ربها وتشكرها وتتذكر الناس المرضى والناس اللي عندهم اطفال مرضى وتشكر ربها ع النعمه اللي هي فيها اللي مدها بالصحه والعافيه واولاد سليمين وطبيعيين ولاتجحد نعمة ربها وتروح تسوي هالبلاوي بحجة اهمال زوجها وترمي الذنب ع زوجها المسكين حتى لو زوجك مهملك شوي احمدي ربك انه عطاك الزوج والاولاد الاصحاء وانتي بعد بصحه وعافيه واتركي التفكير في الامور البسيطه وحركات الحب والرومانسيه اللي ع قولتك زوجك مهملك ومقصر فيها
استغفر الله لازم نحمد ربي ع كل النعم اللي عندنا ولانكفر بنعمة ربي ونجحد
بالشكر تدوم النعم
وتفكيرها غلط في غلط وهي الله يصلحها اغواها الشيطان اما زوجها ماله اي دخل في حركات الغلط
انصحيها وذكريها بالله سبحانه وان الله اذا اواد يفضحها بيفضحها لكن الله للحين ساتر عليها عشان كذا لازم ترجع لربها وتتوب
قبل لاتنفضج والضحايا عيالها حتى بناتها بكره اذا كبروا ماحد متقدم لخطبتهم ولا احد ماخذهم حرام عليها لازم تفكر في كل هالاشياء

ياحبيبتي اسمعي كلامي تكفييييين 😭
انتي الان كل اللي تسوينه مو مرض ابداً انتي انسانه طبيعيه جداً ..
لكن هذا اللي انتي فيه بسبب الذنوب والمعاصي تراكمت على قلبك لدرجة انك تسوين الذنوب بدون ماتشعرين فيها ..
تكفين اسمعي نصيحتي..
قبل كل شي خلي هذا الشي قدام عيونك :
-اذا اصلحتي نفسك -داخلياً روحياً ودينياً- صدقيني كل شي حولك راح يتصلح سواء حياتك زوجك كل شي راح تشوفينه يتصلح قدام عينك-
وفيه مقوله تقول:
عُد الى الله تُعاد لك كل الاشياء الجميله💙✨
سبحان الله انتي راح تلاحظين هذا الشي بعد ماتطبقين اللي اقولك راح تحسين انك رجعتي قلب طفله او انثى نقيه طاهره..
الله سبحانه وتعالى ينادي عباده المُعرضين والبعيدين عنه
يبغاهم يرجعون له عشان يغفرلهم!
فما بالك باللي راجع لربه ويبغى يتوب ويبغى ربي يعطيه وصف طريق عشان يرجعه الى الله؟
صدقيني ان ربي يفرح لمّا يشوف عبد مُقبل عليه نادم تائب حتى ولو كان عنده ذنوب الدنيا كلها فوق راسه😭!
ربي يفرح ويقبل عباده التائبين💙💙
ولا تقولين ربي ماراح يغفر ذنبي!!
هذا سوء ظن بالله..
لذلك ياعمري انتي اسمعيني..
المطلوب منك الليله هذي..
تغسلين سجادتك وتبخرينها وتنتظرين الثلث الاخير من الليل يعني تقريباً قبل الفجر بساعه ..
وتدورين لك مكان هادي وبعيد عن ضجيج الناس وياحبذا لو عندك سطح او مكان مفتوح ..
ابعدي عن الخلق كلها..
توضي وافرشي سجادتك!
وصلي .. وابكككي ابكككي كانه مافيه احد يسمعك بهالحياة..
تذكري كل ذنب سويته وابكككي بكل ماعندك تخيلي انك واقفه قدام ربي وندمانه وتطلبين منه الغفران ابكككي قولي ياربّ انا غرقانه بهالدنيا والذنوب والمعاصي ابعدتني عنك ابككي
قولي-اللهم ردني اليك رداً جميلا-


قولي -اللهم لا قدرة لي على قلبي فأتي به-
ابككككي تكفين ابيك تبكين من قلبك😭
يعني تخيلي انك واقفه قدام شخص !!
ارحم بك من امك وابوك !!!!
فما بالك برحمة رب العالمين ؟
وهو يشوفك تبكين وندمانه وعارفه خطاك 😭!!
ادعي ربك،، قولي ياربّ اهديني ياربّ خذ بيدي اليك..
ياربّ انا محتاجه لك..
ومحتاجه حُبك وعطفك ورحمتك ..
قولي ياربّ افتح لي ابواب رحمتك ..
اسجدي وابكي حتى لو ماتتكلمين ابككي من كل قلبك ..
واذا خلصتي وسلمتي اقعدتي بسجادتك واستغفري كثير..
وكرري لاحول ولاقوة الا بالله بيقين واستشعار ..
قولي بينك وبين نفسك ياربّ ماحد يقدر يبدل الحال اللي انا فيه الا انت ..
ياربّ لا حول ولا قوة لي الا بك فبدل حالي الى احسن حال..
وصلي النوافل بين كل فريضه وفريضه ..
- ولا زال عبدي يتقرب الي بالنوافل حتى احبه-
سبحان الله اذا بديتي تصلينها وتحتسبينها انها تقربك من ربي!!
راح تبدين تشعرين بقرب ربي لك ومحبته صدقيني انا جربتها النوافل تحسين ان ربي قريب منك ويحبك لدرجك انك تحسين نفسك سعيده ومرتاحه بدون سبب😭💙💙💙💙
ادعي بالسجود هذا الدعاء راح يعينك ع الصلاة وذكر الله:
اللهم اعني على ذكرك وشكرك وحسن عبادتك
-كرريه بكل سجده ثلاث مرات-
اقري البقره كل يوم وجهين او خمس اوجه لكن اقرئيها بتدبر واستشعار..
حاولي ترتبين نومك يعني تصحين الصباح بدري ..
الصباح يعطيك طاقه ايجابيه✨
جربي انك تصحين بدري من الساعه ٦ سوي لك قهوه روقّي اقرئي اشياء ايجابيه وتفاؤليه ..
اقعدي لك ساعه بدون جوال والزمي الاستغفار ، استغفار بيقين واستشعار..
طبقي هذا الشي اسبوع واحد والله ثم والله راح تتغير حياتك ١٨٠ درجه ..
الساعه هذي اللي قبل الفجر اللي تجلسين فيها على سجادتك راح تقلب حياتك من جحيم لنعيم بتحسين انك انولدتي من جديد😍💙✨
اخيراً عسى الله يهديك ويردك له رداً جميلاً..
اذا احتجتي اي شي انا هنا موجوده تواصلي معي ع الخاص ..


دعواتك لي بالتوفيق🌹

تبين نصيحتي لك انتي قاطعيهاولاتمشين معاها الصاحب ساحب الحمدلله الذي عافانا مماابتلاها كيف راضيه تمشين اوحتى تسمعين لذي الانسانه لو قلنا مو متزوجه مخلفه ممكن نعذرها بس عجوز وانتي شايفه تبريراتها كيف كلام ملخبط وكذب وهبل ع كبر الله يخلف ع من جابها خساره تضيعين وقتك معاها ماتستاهل ابد

نسال الله الحي القيوم ان يوفقك ويسهل امورك ويصلح حالك ويعفو عنا وعنك
ابدأي من الان بالتوبة اولا من الدعاء على الناس بعدها باذن الله ستبدا حياتك تتغير
المهم من يدعي على الناس فلا بد ياتي له من ذلك الدعاء ضرر ..،
ابدأي بالتوقف تماما عن الدعاء على اي احد وادعي للناس بالخير والصلاح والسعاده حتى من كان منهم ضال
طبعا انتي تدعين لهم ولكن انتي تدعي لك الملائكة وانتي المستفيدة الأكثر لان من يدعو لك الملائكة
وبعدها اشغلي اوقاتك بالعبادة
حفظك الله

ذنوب السر تكون سبب للمصائب
وان ماتبتي والله العظيم تندمين أشد الندم في الدارين
وتكون سبب أساسي لسوء الخاتمة والعياذ بالله
وعقلك في راسك كبيرة وعاقلة
اسأل الله ان يريك الحق حقا ويرزقك أتباعه ويريك الباطل باطلا ويرزقك اجتنابه