شاركي في النقاش

سجلي الدخول لإضافة تعليق.

التعليقات

24
  1. @anfynyty

    المشاركة المقتبسة غير متاحة.

    الله يشفيها

    اختي اعرف الوسواس وأثره وعشان
    جيه خليها تسير عشان تطمن، وقولي لها
    حتى الاكياس الدهنيه لازم الوحده تشلها
    عشان ما تأثر على الصدر ...وخبريها
    انها لازم تفكر في المستقبل يوم ان شاء الله
    بتتزوج وبتييب عيال، لازم تهتم من الحين
    بصحتها....

    وبخبرج بسالفة ربيعتي، كانت تحس بألم في
    صدرها وكانت خاااااااااااااااااااايفه بس تشجعت
    وفحصت، الدكتور خذ عينه وفحصها، تخيلي شو
    طلع عندها.......غازات زايده في الجسم:hahaha: سببت
    ألم في الصدر وهي كانت تتحسس صدرها
    وتتحسب العضله هي الورم

    ونصيحه يا بنات ، عن الوسواس وكل
    وحده بتتحسس صدرها وبتحس بكتله
    وبتقول هذا ورم...لا تفسرن كل شي
    وانتن ما عندكن خبره، وعموما الوحده
    يوم تضغط على صدرها بقوه بتحس بِألم
    وها طبيعي لأنج ممكن يالسه تضغطين
    على العضله، واحنا ما نعرف التشريح
    الكامل للصدر، يعني لاااااااانفسر على
    كيفنا.....

    ونصيحه ثانيه، لا تحاولن تدورن اعراض
    الأمراض من النت، لأن ساعات الاعراض
    تتشابه في أكثر عن مرض...بين مرض
    خطير ومرض عادي...

    لا تعرضن نفسكن للوسواس وأقول لكن
    هالشي من واقع تجربه أنا حطيت عمري
    فيها، ومثل صديقة اختنا ليالي السراب
    نقص وزني بسبب الوسواس...وقبل أي
    رجيم كان يفشل انه ينقص شي من وزني:hahaha:

    مافي احسن من الدكتور الاختصاصي
    الفااااااااااااهم هو اللي بيعطيج الجواب

    اختي خليها تتوكل على الله وان شاء الله مافيها
    الا الخير.........خساره لو أعرفها كنت سحبتها
    بالغصب لين عند الدكتوره أو حتى بلغت عليها:024:

    الله يشفي كل مريض ويعافيه ويكفينا
    جميعا الأمراض وشرورها...آآآآآآآمييييييييين
  2. @alonh_1

    بقولج تجربتي وان شاء الله ربيعتج تستفيد
    الله يسلمج من اكثر من سنتين طلعت لي كتله وكل ماارقد احس فيها يعني ماشي الم ولا افرازات بس كنت احس انه شي يكبر وطبعا خبرت ربيعاتي وماقصروو ورحنا عند طبيبه والله يهديها زيغتني وحولتني على مستشفى وعلى طول الدكتور قالي في عندي ثنتين وحده كبيره والثانيه وايد صغيره فما خذو عينه لانهم قررو يشيلون الكبيره ومنها بيعرفون اذا شي يخوف او لا
    عقب العمليه خبروني انه الي طلعوها كانت على قولت الدكتور تجمع الياف يعني مثل الورم الحميد
    فتميت جيه مادري جم سنه ولا رحت اراجع بس عقب فتره كنت احس انه فيه شي ويااني وسواااس فضيع ماتتخيلوون فرحت اكشف طلعوو عندي فوق الثلاث اورام وقالولي انه من الالترا ساوند انه مب خبيث بس انا ماتطمنت بالمره
    وساافرت المانيا فيه عندهم مستشفى متخصص بامراض النساا وسويت فحص على اساس اني بسوي عمليه بس الدكتور قالي انه الجهاز الي عندهم واايد متطور وهو الاول في العالم فما يحتاج انه ياخذوون عينه << هني ارتحت نفسيا لاني كنت اخاف من هالموضوع واايد
    فقالي انه فيني كتل اكثر عن الي ذكروه عندنا في البلاد وقالي مايحتاج عمليه لانه شكله عندي خلل في الهرمونات يسببلي هالشي وانه لو شالو عني بعد بيرد ييطلع لي
    فقالي انه لازم كل فتره يعني ثلاث شهور اروح واكشف لانه بعد الواحد لازم يتطمن بس الموضوع مايخوف ..
    وفيه دكتور ثاني متخصص بالسرطان قالي بعد نفس الكلام انه مايخوف لانه ماتطلع افرازات من الثدي بس في حالة اني تزوجت وحملت فيه احتمال بسيط انه يستوي تغيير بس هالاحتمال وايد ضعيف يعني بس ممكن يكبر الحجم فلاطمئنان لازم ماهمل السالفه واجيك دووم بسسس هذي سالفتي :)
  3. @lamyth

    طيب خليها تسال الدكتورة اللى في المنتدى هنا ومحد يطلع على المشكله غير هى تعرفين ماتقدرين تسالين مهندس عن الطب ولا مدرس عن الميكانيكا عشان ماحد يخوفها

تابعي تجارب أخرى من هذا القسم.