التجمع ال(100) للمقبلات ع الحقن المجهري

اللهم امين واياك ياغالية

ايش سبب الصفر عنده
كيف هرموناته كروسوماته
المسح بخصية او ثنتين ؟
فيه خلايا ام او لا
ماتضيق الا تفرج ربي يفرجها ويطعمنا

انت مرتاحه لدكتور بندر ؟؟
اذا ايه
سجلي اسئلتك بورقه واساليه لاتطلعين الا وانت سالة كل شي
زوجك اخذ علاج لهرمون الحليب ؟؟
جربتو القسط الهندي انت زوجك
ابحثي باليوتيوب هيفاء السيد ويطلع كل المقاطع لها
لما كنت عند الشهراني زوجي مو مرتاح له

بنات رحت اسوي بحث عن الدكتور سامر العلان لأني مترددة وين اسوي العملية الجاية ان شاء الله
وحصلت وحدة تقول انه يعطي المريضة ابرة الديكابيبتيل باليوم الرابع من الترجيع وكان هو سبب فشل العملية لأنها وصفته بغلطة


لكن لما بحثت اكثر حصلت هذي الطريقة معتمدها كثير مع مريضاته


أول مرة اسمع بهذي الأبرة
اللي تعرف تقولنا وش فايدتها وهل صحيح تتسبب في فشل العملية


بصراحة لازم نكون واعين ونفهم كل شي.

صبحكم الله بالخير جميعاً
أولاً اللي نجحت عمليتها الله يبارك لها ويثبته يارب
واللي فشلت الله يعوض علينا وعليهم جميعاً ويخلفنا خير



بخصوص المنظار ..
من قال انه حل سحري ومن قال اننا نسويه علاج !!
المنظار إجراء وقائي مهم جداً للي فشلت لهم عمليات سواء السبب منها ولا منه مثله مثل التحاليل اللي لازم نسويها عشان نتأكد اننا مستعدين للعملية وجاهزين ولا لا .. وبعد ماتسوينه مافيه شي اصلا يخليك تندمين لأنك يا بتحصلين العله وتعالجينها او بتتأكدين انك جاهزه والرحم مافيه شي يمنع إلتصاق الأجنه



بالعكس الصح يابنات انك بعد فشل أكثر من محاولة تأجلين شوي موضوع العملية لين تعالجين كل الأمور المستشكة مو لازم عملية ورى عملية وبس وبطتنا بطت بطن بطتكم ونعيد نفس المحاولات بدون ماتبذلين الأسباب وتغيرين وتزيدين وتتأكدين على الأقل ان خطواتك صحيحة وانك متأكدة نفسياً انك بذلتي جميع الأسباب اللي في استطاعتك ..
ايه نعم الظاهر لك ان المشكلة من الزوج وتحاليلك سليمة وكل محاولة فيه عدد من الأجنه ينتج لكن تفشل !! وش دراك ان غير هالسبب الظاهر مايكون فيه سبب ثاني خفي في الرحم هو اللي يمنع الإلتصاق !! على الأقل تكونين متأكده انك استوفيتي كل محاولاتك ومعجزة الحمل هذه في يد الله وحده من قبل ومن بعد ..


الله يرزقني ويرزقكم ويرزق الجميع يارب ويفتح لنا في هذه الساعه باب يبث علينا من نفحات رحمته هو ولي ذلك والقادر عليه وحده ❤️