التجمع (36) لأجمل حوامل وأمهات التوائم

سلام كيفكم بنات

الله يسلمكم ويبارك فيكم وعقبالكم يارب

الله يسهل ويهون عليكم وتقومون بالسلامه يارب

❤️❤️

وعليكم السلام ام راك كيفك وكيف بيبياتك ان شاء الله تمام
معلييش ممكن تقولين لنا كيف كانت ولادتك وكيفهم بيبياتك😊😊

بقولكم قصتي وش صار

انا ولدت بنص الاسبوع 36

كانو مقررين لي عمليه بداية 38 وقالت الدكتوره الجديده وقفي المثبتات عادي اصلا مافي لها داعي وقَعَدت يومين

وافتكت المويه ورحت المستشفى وانا بالطريق جاني طلق قوووي مرره
مع ان الطلق يجيني كل يوم بس مو حار
ورحت مستشفى عبيد وقالو لازم فحوصات واشعه وانا مو متحمله من الطلق كشفت من تحت قالو مفتوح 4 سانتي ممكن اولد طبيعي وانا اقول لهم ابغى عمليه احسن

قالو انتي لسه 35 وكم يوم يمكن يحتاجو حضانه لازم تدفعون على كل واحد 30 الف يعني 60 الف تحت الحساب اذا احتاجو لحضانه
وانا خلاص مو قادره اتحمل قلت لزوجي بسرعه ع اقرب مستشفى مقدر اتحمل
ورحنا عالفلاح وكل ماله تزيد قوة الطلق

وع طول وصلت قالو ضروري فحوصات واشعه لان مارح تحضر الدكتوره الا وكل شي جاهز
وانا ابكي واصرخ خلاص شوي وبيظهر الرأس
وكل شي صار بسرعه
دخلت غرفة الاشعه وأحس ودي ادف وأقول للستر ابغى ادف وهي تقول لااا تحملي ومن اول ماوصلت وهي تصارخ علي وعلى زوجي ليش تأخرنا وليش ماجينا من قبل يومين وانا اقول وش عرفني انها بتصير مداهمه

انا اصارخ وهي تصارخ ههه اخر شي بقولها خلاص بدف وهي تقول انتبهي وبسرعه طيران لغرفة الولاده وصلت انا والدكتوره مع بعض وأقول بسررررعه وهي تقول ليش تاخرتي الغلط منك انتي

وجاء وقت الدف وساعدوني 2 طلعو فوقي ويلله طلع وبعدين الثانيه ساعدوني وانا شبه مدوخه وهبط الضغط وانا اولد وجاني نزيف كنت مسويه تجميل وتقطعت وتبهذلت والدكتوره ماقصرت معي ماخلت سبه الا وسبتني تقول ليه تسوين تجميل وانتي لسه معك 2 قلت مو طلبي طلب زوجي

مع اني عارضت وقالت اوك بس الدكتوره حيوانه همها الفلوس اتفقت مع زوجي من وراي

والحمدلله رب العالمين ولدت وخلصت وقَعَدت طول اليوم مصدومه ومستغربه وماني مصدقه اني ولدت وخلصت وراحت كرشتي الكبيره 🤣

والبيبيهات صحتهم كويسه صح أوزانهم قليله ومااحتاجو للحضانه اللهم لك الحمد والشكر.

ماشاءالله تبارك الله .. تحمست معك ودي ادف هههههههههههه الله يخليهم لك والحمدلله ع سلامتكم

الف الف حمدلله سلامتكم جميعاً