زوجتي ماتعرف تطبخ إلا رز وبيض

شكل سلفتك بتتحمل زوجك شوي وبعدها بتنفجر ماهي ملزمه كل شوي تأكل في زوجك
بس مسألة وقت
وبعدين انا كنت كذا زوجي منهبل على طبخ زوجة ولد خاله
ويروح يسهر عندهم ويجيب لي شوي من الاكل يذوقني
ومن يوم كنت مخطوبه وهو يتكلم عن طبخ الأدميه ذي وانها مالها شبيه في الطبخ
وكنت انقهر وساكته
ويوم ذقت اكلها والله ثم والله انه عادي
بس هي تقدمه في أواني فخمه
وتهتم بتزين الاكل
علشان كذا خق الرجال
وياكم حطمني اول ماتزوجت
وليت الكلام بيني وبينه الا يوصل لامه
والكل يدري
كان يبكيني من عيوني مايعجبه شي
لكن مااستسلمت اشتريت كتاب النخبه
وبدأت اطبخ منه
والآن السناب والانستقرام ماخلو شي
والحمدلله اثبت جدارتي
وسار يحب اكلي
ويعجبه
اهم شي شوفي الحاجات اللي يحبها وضبطيها
اذا رز او ايدامات او صواني
العجينه ياكثر الطرق في النت
انا كنت مااعرف اوزن موية الرز وينعجن عليه
لكن مع الممارسه الحمدلله عرفت
النت ماخلا شي
بس خلي عندك اصرار
واجذبي زوجك لطبخك
مو معقول كل يوم ماكل عند اخوه
تجمعو بالاكل مثلا يوم الجمعه
اسبوع عندك واسبوع عند سلفتك
اما كل يوم راز وجهه عندهم مي حلوه في حقك تري

تلقين الحين سلفتك متضايقه تقول زوجي مايتعشى معي وعلى طول يعزم اخوه وتعبت وانا اطبخ لهم ههههه

محد مرتاح ..

دام انه بطيني يا تعلمي تطبخين له يا خليه يترس بطنه ويريحك لو مكانك اخليه يروح يترس كرشه ويفكني من الطبخ والنفخ

صراحه رز وبيض ماينفع في ذا الزمن

لزوم تتعلمين الطبخ والله انا في بعض بيوت أني اكره انعزم بسبب طبخهم الله يديم النعمه

فما بالك المساكين رجالهم

فمن وجهه نظري اغلب الرجال همهم بطنهم تعلمي من النت
دخلي على برنامج اطباقي وكل يوم سوي له جديد بس نصيحه لاتعلميه انك قريتي لانه بيصير اكثر حرص بعدين

من رايي اطبخي واعزموه طلعي كلام زوجك موب صحيح خلي اخوه يشوف طبخك واذا ماتعرفين النت الان فيها كل شي وبالفديو بعد
الله يفرج همك
لاحول ولاقوة الا بالله

صراحه الملام اولا واخيرا هي الام كيف الام تزوج بنتها وهي ماتعرف تطبخ والله حرام تنحرج البنت مع حمولتها وزوجها نصيحه لكل ام لاتزوجين بنتش لين تعرف تطبخ وتنظف وتكون فعلا تقدر تمسك بيت ونصيحه لكل بنت لاتتزوجين لين تعرفين تطبخين وتنظفين و و و عشان ماتنحرجين بعدين خليش تتزوجين وانتي واثقه من نفسش محد يقول ذي رفله ماتعرف شي