التجمع السابع لمواليد نوفمبر / ديسمبر ٢٠

محاولة اخرى :


السلام عليكم مساكم الله بالخير جميييعا شلونكم بنات
انشغلت عنكم والله لوية مافي وقت سبحان الله


خذت فرة سريييعة عالمحادثات وكأني لمحت عابره صاحبة العبور السريع😶 !!
ياوخيتي لاتطولين الغيبة
والبنات بعد كلكم طلوا لو بكلمة او سلام او فائدة والله شوفتكم ترا سعااادة 😍 >>>> علمي نفسك احممم 😆

جنى حبي انتي كتبت ردي وراح وبعيده لعويناتك 💖
شوفي ياقلبي لا تاخذين كلام زوجك واعتراضه على محمل الجد اكيد هو يقول هالكلام بسبب الظروف اللي يمر فيها الحين ..
هو الحين يمر بفترة ضعف والمطلوب منك تكونين قوية وتتصرفين بثبات ولا تأثر فيك انفعالاته ..
وحطي فبالك ان ربي ما يعاقب احد بذنب احد ثاني ( ولا تزر وازرة وزر اخرى ) >>> اقري تفسير هالاية ..
وابحثي عن قصة نبينا ابراهيم عليه السلام وتأملي في قصته مع زوجته لما حطها مع ولدها بنص البر بين الصفى والمروة ووهو يروح عنهم وشنو كان موقفها وثباتها لما قالت ان الله ماراح يضيعنا او ان الله معنا ..
حطي نفسك مكانها واستشعري الموضوع بكل جوارحك وشوفي شلون بيقينها عليها السلام ربي اغاثها وشق لها الارض بماي زمزم لصبرها وثباتها ولازالت بركته لي يومنا هذا ..
تذكري ثباتك وقوتك بالأيام الصعبة عي ثبات لزوجك وسند له ..
الله يوفقكم ويسخر لكم عباده

الله يبارك فيك ياعسل
ايه هو بعد يقول بدري يمدي يقلب عادي مافي مشكله الحين المهم بعدين يقلب عشان مانضطر للقيصري
بس انا اللي قلقت سبحان الله اول حمل لي كذا كل مارحت اراجع جلس وطلعت بنوته تتدلع علينا من الحين

احساسي يقول فيني بنوتة


لأني مرتين تجيني التهابات
وعادة بحملي باولادي ما اعاني منها الحمدلله
بس اذكر في بنتي تأذيييت منها حيل حيل ..


لحد الحين اعالج نفسي بغسول بيكربونات الصوديوم مرة باليوم .
واكثر سوائل واحافظ على جفاف المنطقة ..


ان شالله بموعدي بخلي الدكتورة تاخذ لي مسحة تشوف شسالفة الالتهاب

الله يسمع منك يارب وعقبال كلنا يتم حملنا على خير ونفرح بولاده ميسره واطفال اصحاء يارب ياكريم
والله يسلمك حبيبتي انا فعلا ركزت بالقائمه عشان البكريات اذكر كنت بحوسه في بكري قلت لعلي انفعهم ان شاء الله