السلام عليكم
أسأل الله العظيم أن يفرج همي و همكم ويسر أمورنا جميعا 🌷
انا عندي مشكلة!
بنتي عمرها سنه و ٤ شهور و زوجي يبغاني احمل وانا نفسي بالحمل لكن متردده!
أنا متردده عشان لو كتب الله حمل رح أولد وعمر بنتي سنتين بضبط طيب مب هنا المشكلة المشكله وقت النوم أحس بضيع! كيف اقدر انام وأخذ كفايتي من النوم وارتاح المولود بيصحى كل شوي يبغى رضاعه واعطيته و رجعت انام تصحى بنتي و ارجع أقوم ثم خلاص يطير النوم 😐
ماني عارفه ياختي أفكر لأن نومي خفيف جدا و ممكن يطير النوم اذا صحيت كم مره تكفون انصحوني الي عندهم طفلين كيف تقدرين تنامين و ترتاحين
تكفون ريحوني لاني الحين مب مرتاحه مره في نومي لأن بنتي تصحى كل شوي تبكي واعطيها رضاعه
طمنوني الله يطمنكم
لكم دعوه مني في يوم عرفه والله ما انسى الي ترد و تريحني 🌷
و دعواتكم ربي يرزقني بذكر معافى ❤
شاركي في النقاش
سجلي الدخول لإضافة تعليق.
التعليقات
65- نصيحة لوجه الله لاتحملي الا وبنتك تعلمت دخول الحمام وتعلمت كيف تلبس وتعتمد ع نفسها
كثرة الاطفال ووالدتهم وراء بعض متعبه مره وراح تنحرمين من الطلعات ولاختلاط بالناس
لان الطفل يحتاج متابعه ومراقبة من الام
هذا من غير الحمل اللي يهد الحيل والوحام والولادة - هو تعب بس يكون له اخ يونسها وترا الام بكل الاحوال تتعب سوا عندك صغير ولا 4سنوات انا اشوف لو حامله بدري يكبرون مع بعض بس سنتين عندي ولد جبت عليه وعمره سنتين ومره كره اخته كره ويضربها كثير تعبت معاه الله يصلحه
- يااختي الله لايعذبنا ليه متعبه ومرهقة نفسك بالتفكير
بنتك إذ خلصت أربع سنوات وتعودت على دخول الحمام احملي
وزوجك إذ ناقشك قولي له أن شاءالله يصير خير
ترا التعب والحمل والسهر عليك. .والرجال مدرا عنك
كبري عقلك ولاتشغلين نفسك
ادعي لي معك بالجنة وصلاح الزوج والذرية - ان طعتيه هو بلاحظ الاهمال في البيت وصعب عليك تتدبرين شيء وان ماطعتيه ابتلشتي ونكد عليك الله يعينك ودي تخلصين السنتين افضل بس ماادري وش انصحك فيه طيب اشرطي عليه شغاله في شهورك الاخيره من السابع وورى واحملي
- الله يرزقك بذكر معافى يارب العالمين لاتنسيني من دعواتك بالسعاده
مواضيع مشابهة
تابعي تجارب أخرى من هذا القسم.