شماتة اخت زوجي مني وانتقام الله لي

اكيد غاليتي ربي مايرد مظلوم

تحسبيني جاهله مثلك !!! و الا عقلي رجعي
و الا طالعه من عصر ابو جهل مثلك


اتضح ان البلا بعقليتك مو باخت زوجك


لو ان ربي كتب لي البنات
لأقول الحمدلله حمدا كثيرا طيبا و اقول خيره ، شر و انزاح


تقرين الاخبار ؟ كم واحد طلع داعشي او مدمن و ذبح امه ؟؟ تدرين كم واحد ذبح امه؟؟
طيب كم واحد ذبح شخص و راح بالقصاص؟
طيب كم واحد رمى امه بدار العجزه
طيب نروح للي اخلاقهم احسن من اللي فوق
كم واحد ما يتذكر امه الا بالعيد ؟؟
كم بلغ عدد المدمنين بالمملكه ؟؟


ضامنه انك اذا جبتي ولد بيطلع خير لك !!؟


( فَأَرَدْنَا أَنْ يُبْدِلَهُمَا رَبُّهُمَا خَيْرًا مِنْهُ زَكَاةً وَأَقْرَبَ رُحْمًا ) قال العريفي ان عددد من المفسرين قال ابدل والديه مكان الغلام بنت، بعد ماارهق الغلام ابويه


يختي طلع عصر الاسلام و تنورنا و انتي بعدك عايشه بالكهف
الله يعين بناتك عليك

لا تكفين ، خفنا من دعواتك المستجابه 😂😂😂
ترى الموضوع مو استجابه لدعوتك ،جهلك و الظلام اللي عايشه فيه مصور لك انها الدعوه استجابت


البنات مو عقوبه لاخت زوجك
البنات خير لها و لأبوها
عن أنس رضي الله عنه عن النبي صلى الله عليه وسلم قال : (( من عال جاريتين حتى تبلغا جاء يوم القيامة أنا وهو كهاتين ، وضم أصابعه )) رواه مسلم .
جاريتين أي : بنتين .


و تقولين الله استجاب لي انتقم لي !!!
والله من الجهل المستفحل


بقول لك شي يمكن الله يفتح على عقلك
اعرف لك واحد من القرابه تزوج كبير بالاربعينات لانه هو اللي كان يخدم ابوه ايام الباديه و امه توفت وهو صغير
تزوج وهو بنص الاربعينات او فوقها، كان متشفق على ولد يعينه و يعاونه


جابت زوجته بنت، تقول لما عرف انها بنت مافرح منصدم
و جابت بعد البنت ولد طااااار فيه من ارضه
و جابت بعده خمس بناااااات و هو كبير بالعمر


ولده صار عمره ثلاثين تقريبا
ابوه ماشاف معه الراحه من صار مراهق
مصايب و فضايح و بلاوي و الكلللل عارف اسمه
و للحين ابوه مبتلش فيه لان صار فيه مرض نفسي بسبب الادمان


و تدرين ان العايله هذي كانوا ساكنين بفقر
و بيوت زنك وخشب، ما سكنوا بيت زي الناس
الا بعد ما توظف من بناته ثلاث !!


وصار عندهم خير و نعمه ، بعد عيشة الفقر و الديون


بفضل مين كل هذا ؟! فضل الله ثم مين؟!
الولد اللي ذوقهم الويل
و الا البنات؟!


فيك حيل للدعاء ؟ ادعي لنفسك ترى وضعك مزري😊

رفع

كلامك درر ، إاذا فيها حيل للدعاء و مستهترة بدعواتها تحسب رب العالمين ما يدري عن النوايا

فلو تدعي لنفسها يكون أفضل

واضح أن فيه كتل غبار على مخها هي و أهل زوجها أجمعين ، واضح أنهم من جماعة وأد البنات بس تحضروا من قريب