صباح الخير
خواتي صار لي موقف اندهشت منه عندي ضيوف ام زوجي وخواته وانا فيني طبع اي باقي من الاكل اشيله وارجع اسخنه نأكل انا وبنتي منه بعدين وإذا كميه كبيره أقسمه بيني انا وجارتي ومتعودين على كذا وهي نفس الشي اعرف انها ماتشيل الا النظيف وانا كمان وهذا اتفاق مسبق بينا انه مانرمي شي من النعمه ونرسله على بعض وامس سويت غداء خالتي وبناتها وحطينا الاكل نأكل وعشان فيه بنتي كالعاده نحط الاكل بصحن كبير وملعقة صب للاكل وكل واحد يأكل بصحنه ويبقى الاكل نظيف مااحد لمسه بعد ماتغدوا وبدو يتقهوون انا شلت الاكل وقسمته بيني وبين جارتي وخالتي تناظرني من فوق لتحت تقول تشيلين باقي الاكل ليه ولدي مجوعك ؟؟ واخت زوجي تقولي مابقي احد يشيل الاكل ويرسل للجيران ماتوا ترى ويضحكون ؟؟؟ اسالكم بالله انتم تأكلون باقي أكلكم وفيها شي ؟؟؟ طَيب هُذِّي نعمه مو حرام تنكب والله قهروني وقررت اليوم اغديهم خبز وجبن عشان يعرفون ان لله حق
شاركي في النقاش
سجلي الدخول لإضافة تعليق.
التعليقات
78- عادي حفظ النعمة بس مارسل فضلة للناس
- بالعكس مافيها شي هذا اللي سويتيه يعتبر احترام للنعمه وتقدير وشكر لله والمحافظة عليها من الزوال وكونك تعطين جاراتك بعد صدقه وتاخذي أجرك ولا عليك من اللي يقلل قيمه هالشي هم الخسرانين والله يسعدك ويوفقك
- مافيها شي ماعليكي منهم لو يضحكون اضحكي معاهم وقوليلهم هاذي قناعتي وربي يكرمني لاني احفظ النعمة
- ايه عادي انا ابقي الاكل ونرجع ناكل انا وزوجي وفِي بيت اهلي بعد يبقون عادي خليهم يضحكون ما عليك منهم
- لو كان في القدر محد لمسه عادي وين المشكلة
مواضيع مشابهة
تابعي تجارب أخرى من هذا القسم.