الجمال والعين

ابي اسالكم كيف تعرفون انه عين. يعني مثلا اي عله يبيلها طبيب وعلاج ويكون له سبب الصراحة في معارف يقولولي الحين انه فيني عين اكيد بعد 11 سنة هلاك وفي بيت اهلي لكن مادري حقيقي ولا لا لانه انا ماعندي اصحاب بس زملاء العمل ومافي غير السلام بينا. انا شعري يتساقط كثير وجسمي منهك كثير ويزيد تعب من لا شي اصبحت لا اهتم بنفسي واكره نفسي كثير واقرا ها الايام عن اشياء تصير فعلا فيني بس ما اعرف مثل يقولوا الي في عين عنده وجع بنص ظهره ويتعرق منه وانه اذا احد علق على شي فيني يصير ابشع مثل بشرتي او شعري او ذكائي ما اعرف دايم احسن اني ابي اصدق

لا قلبي هذا اسمة كرف واجهاد + التقدم بالعمر

مثلا لاحظت بنات كثير بس تدخل الثلاثينات يبدا عندها التساقط المخيف مثل الرجال وطبعا يرجع للجينات
تكرهين حياتك لانها مجهدة وكرف و لا تتوافق مع حياة الاحلام والراحة الي تتمنينها

ماله علاقة الم الظهر بالعين هذا اسمة دسك ويتاثر بالضغط الجسدى والشيل والحط راجعى دكتورممكن عندك انزلاق غضروفي

العين ما تكون كذا
العين تعطل نصيب
تصرفك عن علم
تولع حريقة بينك وبين شخص بدون سبب
وفي حالات تموت الشخص

انا كان عندى اخت تطلع الأولى على المدارس من كانت صغيرة ومراتب شرف من ابتدائي للماستر يوم وصلت للدكتوراه وما عاد لا تسلم الرسالة جتها حالة ما عاد تقدر

كانو شي يصرفها عنها ما عاد تقدر تفتح كتاب ولا تكتب سطر

امى رموشها كانت مضرب مثل جاتها عين صارت رموشها تنبت على الداخل اسم الحالة انحراف الاهداب واضطر المستشفى يسوى لها كوى كهربائي كل رموشها الله يرحمها

ومرة كانت لابسه خواتم ذهب بيديها عساها في جنات النعيم ويدينها سمان وبيض كنها شامية وتتقهوى مع الحريم رجعت يدينها كلها حمار ومتهيجة كانه محترقة ما تدري ايش فيها الين قالت لها صاحبتها شيلي الذهب الي بيديك وزي السحر رخف الحمار ورجعت طبيعية ولبست ذهب غيره

اختى كانت مستشورة شعرها بالعزيمة
وهى شعرها كانة اكستنشن سبحان الي عطاها ها الشعر مشاء الله لاحول و قوة الا بالله وطوييييييييييل
المهم وين ما تتحرك العيون عليها
المهم قامت تبخر الحريم ويعلق الجمر بشعرها مع انها حاطته ورا
ما ادري كيف علق فيه
وتركض بها المجلس والحريم وراها يطفونة كان موقف يهول ما تشوفين الا شعلة بلمح البصر

سوالف واجد والواحد نهائي ما لازم يترك المعوذات الناس ماتعطى خير