السلام عليكم
يابنات واسوني
اليوم زواج طليقي
ومو قادره اتقبل الوضع
انا احبه وقلبي متعلق فيه
وحاولت بالصلح الا انه رفض
كلمت خوالي عشان يصلحوا بينا
و رحت اصلاح ذات البين الا انه رافض يرجعني
وربي طلاقي مو لسبب كبير وشي غصب عني
لأني كنت مريضه بالوسواس والاكتئاب ماقدر يتحملني
وماكان يحب يسولف معي انسان غامض ماعرف عنه شي
بالرغم كل هذا كنت احبه
وعندي منه بنت عمرها ١٠ سنوات ياعمري عليها
تقول ماما انا مافرحت لزواج بابا
انا بصراحه انصدمت انو زواجه اليوم
كنت مفكره انو يرجعني لأنو ماشالني من بطاقة العيله
ويسدد فاتورة جوالي ويسوي مواعيدي بالمستشفى
والله تعبانه نفسياً
من دريت بخطوبته وانا ماحب آكل وفيني ارق ودايم افكر وابكي
شاركي في النقاش
سجلي الدخول لإضافة تعليق.
التعليقات
59- ان كان فيه خير لك الله ييسر امورك ويرده لك ردا جميلا وان كان به شر عسى ربي يعوضك بالزوج الصالح اللي يصير افضل منه ويسعدك عاجلا غير اجل يارب
- الله يعطيكم العافيه اخواتي
انا للأسف ركضت وراه لأني احبه
وهو شكلو ماحبني
حتى امي دايم تنصحني وتقولي هومايحبك لو يحبك كان ماطلقك بهالسهوله بعد عشر سنوات بينكم
انا حساسه بالمرا
وقلبي رهيف
ابي اصير قويه ماتأثر فيني الصدمات
بنتي ياعمري كاسره خاطري تقولي ماما لاتتزوجين وتتركيني مثل بابا
المشكله مو راضي يخلي بنتي تعيش معي
حاولت فيه انو الحضانه تكون لي ومن حقي لأني ماتزوجت وبنتي متمسكه فيني تبغاني
بس رافض
ودي اروح المحكمه اطالب بحضانة بنتي بس اخاف يلقى حجه وهو مرضي
تشوفون اجيب تقرير من الدكتور ؟ انو انا سليمه وتحسنت
لأنو الحين تحسنت كثير عن السابق الحمدلله لي ٨ او ٩ سنوات اتعالج وتغيرت كثير - وانتي لجاك نصيبك تزوجي الدنيا ارزاق وهذا رزقه الحرمه الي تزوجها والله يرزقك بالي يسعدك يااارب
- ما اقولك انسيه النسيان صعب لكن لا تذلي نفسك له واشتري كرامتك هالكلام صعب عليك الان لأنك مجروحة لسى لكن بعد مدة سنتين ثلاث بترجعي طبيعية وتحبي الحياة وبتندمي انك ارخصتي نفسك لطليقك وترجيتيه يرجعك
ابكي وطلعي كل الحزن الي بداخلك توجهي لربك ولا تتعلقي ببشر ما يملك لنفسه نفع ولا ضر يا بنتي طليقك كان يقدر يستمر معاك ويسود عيشتك لكنه ما يبي يظلمك طلقك عشان تشوفي نصيبك مع رجال يحبك ويقدرك ويخاف على زعلك
لا انتي اول وحدة تطلقت وحست بهالشعور لكن الدنيا تمشي والزمن ينسي الواحد جروحه والمطلقة الي كانت تحس ما تقدر تعيش بدون طليقها تنساه وتتزوج وتخلف وتنبسط واذا تذكرت طليقها قالت ولا تنسوا الفضل بينكم - ياقلبي عليك
تأكدي بإذن المولى سبحانه وتعالى رح تتيسر حياتك تتكون نقطة تحول لك للأفضل ربي يعطيك ع قد نيتك ورح يعوضك ادعي دعاء ام سلمه وربي عوضه بزوج سيد البشرية وخاتم الرسل والأنبياء
مواضيع مشابهة
تابعي تجارب أخرى من هذا القسم.