هل أترك وظيفتي ؟

اقول روقي بس
وظيفتك ثم وظيفتك ثم وظيفتك
ماتشوفين الاسعار طايره عندك اطفال وكل ماكبرو زادت التزاماتهم والزوج بيعطي بس بحدود
الراتب سند لك ماتدرين عن الظروف
انتي مضغوطه وزاد الحمل ضغطك زياده
لكن بتولدين وترتاحين
انا جربت الفرق
تزوجت والخمس السنين الاولى عاطله ماغير كني شغاله اطبخ انفخ اغسل اكوي والسهر ومهاوشه مع الزوج وملل فضييييييع ونفس الروتين
اما الخمس السنوات للان انا موظفه وناااااسه ما انكر ضغط فضيع واحيان ابكي بس والله فرق طلعت عشت حياتي شفت العالم وصار لي راتب خاص اي شي ابيه اخذه
اصحى اطلع من البيت موب اقعد مقابله الجدران
💜💜💜💜💜
نصيحه من اخت شيلي هالفكره والطاقه السلبيه وفكري بايجابيه حبي دوامك عشان ترتاحين وتستمرين

والله شوفي انا بقولك

قد ماكنت اتمنى اتوظف واستقر مادياً واجتماعياً بالوظيفة
قد ماانا ماابيها الحين بعد الخلفة

بعد ماجبت ولدي وحملت صار العكس تماماً

مااقدر اترك ولدي واطلع اشتغل
فيه ناس تقدر ومرتاحه على هالوضع

بس انا مرتاحة نفسياً وانا بالبيت وولدي بحضني

اشتغلت كم شهر وكنت اترك ولدي كل صباح عند اهل زوجي ماكنت انام الليل من الهم والحزن عليه

ماكنت مرتاحة مع انهم يموتون فيه ومايصدقون احيبه لهم

بس ماااقدرت اكمل نفسياً مو مرتاحة

ومااصدق اخلص الدوام ارجع اخذه واشبع منه واعوضه حنان عن الساعات اللي تركته فيها

انا نصيحتي لك اتركي الوظيفة وجربي نفسك فترة بالبيت مع اطفالك

اذا عجبك الوضع وارتحتي تمام مافيه زي راحة البال
والله وش ابي الفلوس اذا مابتجيبلي راحة بالي

واذا حنيتي للدوام تقدرين تقدمين بمكان ثاني بيكون عندك خبرة وشهادتك ومعدلك كويسات وربي بيعوضك ان شاء الله

انا موظفة واشاركك نفس الاحساس
هنيها الي مستته ببيت زوجها مش محتاجة للعمل 😔
والله يعينا على نمط الحياة الي اجبرنا نطلع من بيتنا ونتعب علشان نعيش حياة كريمة
لو زوجي مقتدر ما اجلس ولا دقيقة في شغلي بس الحمد لله على كل حال

استخيري والخيره فيما يختاره الله اذا قررتي تتركين من رائي تضغطين على نفسك هالشهرين الباقيه علشان تكملين سنه وتصير خبرتك سنه في حال حبيتي مستقبلا انك ترجعين تشتغلين في المجال الله يوفقك ويسهل امرك

لالالا تتركين وظيفتك حاولي تنامين مبكر عشان لارجعتي للبيت يكون مافيك نوم ع طول اطلعي انت واطفالك فرضا يوم الخميس تخلينه للعائله اول ماتطلعي ع طول مطعم وملاهي للاطفال ولعب معاهم عشان بكرا جمعه يكون اجازه واسهري مع بنتك ولعبيها وسولفي مع زوجك والعبو بلوت او اي شي وتمشو ع رجولكم والبنت بلعربانه اذا هي صغيرا او تدف عربانه اطفال اذا كبيرا وتركض قدامكم وانتو تتمشو وطلعو كوفي واسمري الى الفجر صدقيني لاخليتي يوم الخميس يوم العائله بتتغير نفسيتك والجمعه احازه عندكم حطي راسك ونامي ولاصحيتي العبي مع بنوتك وسولفي العصريه مع زوجك وهكذا لين يجي الخميس الثاني وتكوني مسويه جدول طلعه جديد ووين بتروحي فرضا لاجاء الخميس الثاني الا تكوني مجهزه شنطتك بسيارته ويمرك وعطول تسافرو اقرب ديره عندكم وانبسطو فيها والجمعه العصر ارجعو يتغير الجوو عندك وبتحبين دوامك وبيتك حتى بنتك بترتاحي معاها