التداوي بالأعشاب..وتجاربي معها
السلام عليكم في موضوع مهم لنا كنساء وكحوامل خاصة اللي هو الأعشاب والأشياء الشعبية اشوف بعض البنات مايؤمنون فيها البته وبعضهم يبالغ مررره بس اتكلم عني انا وعن واقع وتجربة عايشتها ابا اقولكم بعض الأمثلة اذا كان عندي اللتهابات او طلق كاذب اتوضىء بمُره بس اختار البنية اللي تكون شفافة واغسلها زين واتوضىء فيها بدون مبالغة على طول تبان النتيجة ومرة جاني الم شديد باضلوعي قسم بالله شفت الموت شيء لايطاق وانا حامل بالرابع سويت كبو قشور بصل وكمون والحمدلله راح وتذكرت اني غاسلة مفرشي بلينور ومكثرة منه ومره كانت امي عندي وفيها كحة مع بلغم الله يكرمكم وسويت لها لبان الدكر ووالله بعد ثلاث ايام راح اللي فيها واخر ولادة لي شافت الدكتورة الخياطة قالت لاعبين فيك مع اني والدة بالحبيب بس اللي ولادتني اخصائية وشكلها سوت لي اي كلام ..وفوق هذا كانت نفسيتي زفت مااكلت زين ولاتغذيت فبدأت بفلفل ابيض واسود وماش مع الحليب واستمريت عليها وماشاءالله اموري تمام وولدي كان هزيل مره وبديت اعطيه حلبه مع الرضاعة مره باليوم ويارب لك الحمد تحسن واذا حسيت انه بدأ يتعب شربته مُره مخففة بالموية ودهنت حلقه فيها وبفازلين والحمدلله تنفع هذا اللي تذكرت والموضوع للنقاش كلن يدلو بدلوه حياكم انتظركم