ايش حدود الاخوه عندكم ؟

يابنات ابغى اسألكم وابغاكم تجاوبون بكل صراحه وبدون مثاليه عشان اعرف مين الصح ومين الغلط لان الموضوع هذا راح يجنني ونفسي افهم وارتاح ابغى اكتب لكم مواقف وحطو نفسكم محلها وقولولي ايش راح تسوو اذا صار لكم هذا الموقف اول موقف افرضوا انو عندكم اخ علاقتك معاه رسميه منك ومنه يعني ماتتكلمي معاه بمواضيع بس لما تكوني محتاجته عادي تطلبيه ويجيب لك او يوصلك للمحل اللي تبغي فقط هذا اللي بينكم بس مابينكم خلاف او اي شي لكن هذي طبيعة العلاقه اللي بينكم من ربي وانتي تزوجتي ورحتي تعيشي بمدينة زوجك وصرتي تتواصلي دايما مع امك واخواتك بس اخوكي مابينكم اتصالات يعني مايتصل عليكي ولا تتصلي عليه ولا واتس ولا فيس ولا اي شي هل كذا طبيعي ولا راح تتواصلي معاه من نفسك حتى لو ماتواصل معاكي؟ وايش رايكم باللي تستمر على هذا الوضع سنين ومايدرو عن بعض ولا يسألو عن بعض الا لما يتقابلو عند امهم ؟ والموقف الثاني ايش تسوي لو هذا اخوك نفسه اللي فوق بعد هذي السنين صارت له مشكله مع اهله وسمعتي فيها من امك وزعلتي من تصرفه وقمتي تسبيه عند اهلك على تصرفه ولمن حل المشكله وتصالح مع اهله ووحده من اخواتك قالتله الكلام اللي قلتيه عنو وراح ارسلك على الواتس يعاتبك على كلامك انو عيب عليكي ولو جيتي عاتبتيني ماراح ازعل منك بس مو تتكلمي عليا كذا وانتي رديتي عليه رد بارد وانكرتي وبعدها طنشتي ولا اتصلتي عليه عشان تحاولي تحلي المشكله يعني كانو مو هامك والموقف الثالث انو بعد ماشافك ماحاولتي تتصلي عليه عشان تحاولي تحلي المشكله او تراضيه ومرت اكثر من سنه من رسالته اللي ارسلها عليكي فهمها انو مايهمك لو خسرتي اخوكي ومنتي معتبرته شي وراح قال لأهله هذي ماهي اختي ولا عاد تهمني بشي ولا لها اي شي بقلبي وحتى لو زارتنا ماراح استقبلها ولا راح استقبل زوجها ايش ردت فعلك راح تحاولي تصلحي اللي بينكم ولا راح تقولي نفس الشي ؟ وانا قاعده اسال عشان اللي كتبته فوق كله صار بين اخوي واختي وفعلا جانا اخوي وشافنا نتكلم عن اختي انها بتزورنا وقلناله نبغى نفرحه قام قال هذي ماهي اختي والله قلبي يعورني ومو قادره انام ومادري اقولها كلامه عشان تتصالح معاه ولا اسكت عشان ما اجرحها واحس انو بالغ بردت فعله كيف يتبرأ من اخته حتى لو كانت غلطانه بس مو لهذي الدرجه كيف هانت عليه واحس بسبب تعاملهم الرسمي بين بعض صار عادي عنده يتخلى عنها علشان كذا ابغاكم تقولون لي ايش راح تكون ردة فعلكم بهذي المواقف ابغى اشوف هوا احنا بزمن خلاص مافيه اخوات واخوان وصارت هذي الاشياء طبيعيه ولا ايش بالزبط