ايش حدود الاخوه عندكم ؟

النمامة اللي وصلت الكلام تسببت في مشكلة ايش الغرض انها توصل لاخوها ان اخته سبته وتكلمت فيه !!!
انا اقول النمامة لازم هي اللي تحاول تحل المشكلة


واختك برضو برودها وتعاملها يدل انه فعلا ماحد هامها و تعاملها سيء جدا مع اخوها و يتسبب في قطع الرحم لازم تكون هينه لينه بشوشه تسدد وتقارب


واخوك متهور والله يصلح ما بينكم وضعكم صعب

انا قلت لك قبل ان كلام اخوك قاله وقت زعل ومستحيل ينفذه وقلت لاتقولون لاختكم وش قال

ليش تروحين تقولين لها!!وش تبغينها تقول تبكي وتنصدم وتحب اقدامه!!

سبحان الله يالحكحكه تزيدون النار حطب ماله داعي نقل الحكي هي بتجي مو داريه انه رافض يقابلهم وان جت اخوك مصيره يقابلهم مايتوقع انكم وصلتوا لها كلمه قالها في زعل


والله لو اني محل اختك بقول كذا يعني خلاص خلوها بكيفها وبكيفه مصيرهم يتصافون

انا بعض اخواني اطووول ماراسلهم وهم اصغر مني ولايراسلوني اقصد الاولاد عكس الي اصغر مني بسنه يواصلني وعادي لارحت لأهلي اببد علاقتنا مزح وسوالف ماكأن لنا فتره طويله مانتواصل تجيني اخبارهم من اهلي


وياما امي تتمشكل معهم وانا بعيد وانفعل واقولها سوي كذا وقولي كذا واقول لخواتي ولاوحده منهم تلقفت وراحت تقوله اني قلت فيه هالكلام


اختك ماسوت شي غلط تصرفها طبييعي بنت بعيد عن اهلها وسمعت بمشكله بين اخوها وامها وانفعلت عشان امها وقالت كلام عن اخوها وقت غضب


يعني بفهم ليش اختك راحت تنقل حكي وانتي جيتي تكملين المهمه ونقلتي كلام اخوك لأختك!


ليش انتي واختك اللي نقلت الحكي عمركم مانفعلتوا وقلتوا كلام ماتقصدونه؟

لو اني محل اختك بنقهر احس كنكم تبوني لعبه بيدكم حرشتوا اخوي على كلام قلته وقت زعل
اغلى واحد في اخواني اللي بيني وبينه اسرار ويشتكي لي واشتكي له والله جت مشاكل خلتني اقول فيه كلام اخاف يجي يوم يدري اني قلته وقلته وقت زعل وقلته ضامنه ان محد من الجالسات من اهلي بيوصله له احس انتم اللي سعيتوا لين سويتوا هالمشكله بسبب اللقافه

ياحبيبتي انا ماقلت لها كلامه اللي قاله بس قلت لها انو زعلان منك من المشكله اللي زمان وباين عليه انو لسا متضايق حرام عليكي تتركيه كذا لازم تراضيه بس هذا اللي قلته بعدها قالت خلاص لما اجيكم ابسلم عليه قلت لا كلميه لو واتس اب حتى مو لازم تعتذري بس قوليله كيف حالك منتي خسرانه شي قالت لا لمن نجيكم خلاص رحت قلتلها مايبغى يقابلكم عشانه زعلان قالت طز انا قلتلها بكيفك انا بس احاول اصالح بينكم عشان لاتقطعون بعض لانو مايجوز

وبعدين لمن تقولي احنا سببنا المشكله بينهم لاتظلمينا لانها اساسا من بعد ماتزوجت ماعد سالت عنه وانتي لو تدري كيف كان يخدمها قبل ماتتزوج الين يوم زوجها راح تتغير نظرتك هوا كان يوديها للكليه لين تخرجت وكانت تعامله زي السواق تطلع معاه ورا بالسياره وهوا اللي حجزلها قاعة الفرح ولمن ولدت ودانا نزورها وتصرفات كثيره كتبتها بموضوع اول وفوق هذا تقول عنه انو مو رجال ومافيه خير وكلام ما اقدر اقوله هنا واحنا مانرضى على اخونا الوحيد واللي ماخلانا نحتاج لاحد غريب بعد ابويا الله يرحمه وما اظن انك ترضين على احد من اخوانك ذا الكلام حتى لو كان اسوا اخو