وش ردة فعلك لو صارحك زوجك بذا الشيء!!!!!؟؟؟

ليته تزوج وسكت كلامه يعور القلب 😢
الله يرده لك رد جميل ويصرف عنه الزواج

الله يصبرك الموضوع مو سهل بس لو اني مكانك أبقى عنده عشان العيال حرام ينحرمو من ابوهم واذا بدو يتزوج الله معاه صحيح كثير صعب الموضوع بس اذا كان هذا خياره للأسف مش ممكن اتغيري اشي ان شاالله ربنا بعوضك صبرك ولعلا اذا تزوج عرف قيمتك ورجعلك لو بعد حين وعرف ان ما له غيرك

الله يسعدك سعاده ابديه
لايكون يمقلبك كيف ماحسيتي انه مايحبك

عندي ثلاث نقاط بقولها :


موضوع انه ماحبك، مجرد كلام يسكتك فيه حتى ماتعترضين على زواجه و تقلبين الدنيا فوق راسه و تراه جابها صح و مابيصير له
مشاكل منك مثل كل المعددين اللي عانوا حتى يتزوجوا الثانيه
يعني زوجك داهيه، هاجمك قبل تهاجمينه
ولو ماحبك ما دور رضاك بالمية الف، كان قال تحملتها ٣ سنين واللحين تفارق لاهلها و ارتاح


النقطه الثانيه، اللي تقول لك اتطلق و الا انسحب و ماادري ايش
ترى كله هياط حريم و الا لا صار شي بالواقع تموت ولا تتركه وخصوصا اذا كانت عشرته معها زينه و مو مقصر معها
و اذا تركته بتتزوج اعزب خلوق مثل زوجها !!! بتتزوج اما اعزب محد قبله من بلاويه و الا معدد و يمكن يطلع اشين من الاول
والا شايب ارمل ، هذي الاحتمالات الثلاثه هي الغالبه و مااتكلم بالشي النادر الحدوث


يعني مافيها مميزات تساعد انها تتزوج بأحسن رجل وخصوصا انها مطلقه و عندها عيال و غير موظفه


من الاخر خليك من المهايطيات اللي اضعف ماتكون عند زوجها و اقوى ما تكون قدام غيرها من النسوان، تعمل فيها انا القويه
وهي بالبيت تعبده عباده


النقطه الثالثه، اعرفي ان طلبك للطلاق ما يرضي الله فلا تتوقعي انك اذا عصيتي الله بيرضيك بزوج افضل من زوجك !!
الحديث يقول -صلى الله عليه وسلم-: (أيما امرأة سألت طلاق من غير ما بأس لم ترح رائحة الجنة)صححه الالباني،


والمعنى التحذير من طلب الطلاق من دون علة، أما إذا كان هناك علة؛ لكونه كثير المعاصي والشرور؛ لأنه سكير، لأنه يتهاون بالصلاة في الجماعة، أو لا يصلي، أو لأنه يظلمها ويؤذيها بالضرب بغير حق، فيحق لها طلب الطلاق
يعني طلبك للطلاق بس لانه تزوج عليك ، يعرضك للوعيد بالحديث


وخصوصا انه يدور رضاك و شارط لك رضاوه مية الف وحتى لو كانت خمسين الف، فهذا يدل على حسن عشرته لك


ثم فكري بعيالك اذا كبروا و تربوا عند رجل غريب غالبا غالبا غالبا ايضا معدد و ممكن شايب
وش بتقولين لهم،ابوكم قال ما حبيتك وشرط لي رضاوه بس كبريائي ما سمح لي !!!
لكن كبريائك سمح لك تتزوجين معدد اخر !! ماتعرفينه و لا بينكم حب !!


لا تقولين ماافكر اتزوج بعده، عمرك ٢٩ و بتمر السنين و تدورين
الزواج مثل غيرك من المطلقات اللي تقول ما عاد اتزوج
و بعدها بكم سنه تحن لزوج يداريها
وهذا شي بفطرة الانسان سواء ذكر او انثى و بعيدا عن المكابر بالكذب

انا معك بهالرد الصح....