لو انتو مكانها وش بتسوون

كل صديقاتي يعرفون اني مشتركه هنا ونتشارك همومنا مع بعض والي تصير لها مشكله اساعدها هنا


المهم وحده منهم الحين هي بورطه يابنات حقيقيه
هي كبيرة بعمرها وماحد خطبها وكانت تبي تتزوج
المهم دخلت موقع زواج وفي واحد ارسل لها انا بخطبك وانا جاد
وافقت عليه
طلب صورتها وارسلتها لأنها كانت خلاص تبيه وبتتزوجه وهو برضو يبيها لكن مع الايام أكتشفت من شخصيته ورسايله أخلاقه زفت زفت كرهته من اسلوبه وبرضه طلع شكاك بقوة يعني يسألها دايم انتي كلمتي أحد قبلي وكذا ؟ ويكرر الأسئلة مره ضايقها
ساعدناها وقلنا لها تكذبي عليه وقولي له اهلي مارح يزوجوني من بعيد وكذا وفعلا سوتها ونجحت
لكن بعد أيام تخيلو رجع وقال انا بجرب يمكن يوافقون 😡 بنات لززقه فيها يقهر بس يطاردها أعوذ بالله خلاص هي ندمت انها دخلت ذا الموقع لو ماعد تتزوج طول حياتها ماتوقعت يسوي فيها كذا
المهم قال انا ابيك يعني بتزوجك بتزوجك
هي خافت تعترفله وتقماابيك لأنه يمكن يهددها بالصور مع انها ماارسلت إلا وجها
المهم خلال ذا الشهربيتقدملها وعارف أهلها وبيتها وكل شي 😠
كيف تتخلص منه
إذا رفضو أهلها بيكون حظها وإذوافقو هذه البلشة
لأن لو رفضته هي وعرف راح ينتقم

21 تعليق 2,756 مشاهدة

شاركي في النقاش

سجلي الدخول لإضافة تعليق.

التعليقات

21
  1. @safana_14

    كيف يعرف بيتها وتعطيه معلومات الا انها تبيه




    والزواح مو غصب
    ترفض وخلاص
    واذا هددها بالصورة تبلغ الهيئة راح يتصرف
  2. صاحبة الموضوع
    بنات تكفووون 😭 ساعدونا نحل مشكلتها
    مو معقولة تتزوجه عشانها خايفه من الفضيحه
    لاتقولون هيئة وخرابيط لأن مارح يفيد شي اذااهلها عرفو
  3. @ha1436

    لازم وحده تشغله يعني تطلع وحده منكم رقم جديد وتسولف معه الين يتعلق فيها وكذا وينسى ذيك بنفس الوقت مايعرف عنها حاجه لانه شكله فاضي لهاذي وماعنده احد يشغله فطول الوقت يخطط ويدبر وكمان ضيفوه من برامج بأسماء وهميه علشان يكون كذا وحده شاغلته فهمتي والله يفك عوقها
  4. @bnt_aboha_235

    h.a.1436
    لازم وحده تشغله يعني تطلع وحده منكم رقم جديد وتسولف معه الين يتعلق فيها وكذا وينسى ذيك بنفس الوقت مايعرف عنها حاجه لانه شكله فاضي لهاذي وماعنده احد يشغله فطول الوقت يخطط ويدبر وكمان ضيفوه من برامج بأسماء وهميه علشان يكون كذا وحده شاغلته فه…
    الشغله حرام ب حرام كيف تبينهم يخرفنونه عشان يترك هذيك
    بأي صفه يرسلن لوه
    هو داخل موقع زواج ماهو داخل شات عشان يطقطق على البنات

    ورايك ياحيي غلط بغلط الله يصلحكك

تابعي تجارب أخرى من هذا القسم.