بنت عمتي تطلقت بعد ملكتها 💔

السلام عليكم ورحمة الله و بركاته
يا رب تكونون بخير دوم
يا بنات قبل يومين تطلقت بنت عمتي وأختي بالرضاع ، تخيلوا تطلقت أيام العيد و هي مملكه من سنه كامله
والله قلبي حزين ما عرفت أنام حتى
واللي أدهى و أمر ان اللي طلقها ولد عمها ، قال ما تصلحلي وأبي انفصل
وفعلا هم شخصياتهم متناقضة و مختلفه إلى أقصى درجه
و بيني و بينكم هي من النوع اللي يسبب مشاكل و شايفه نفسها بجمالها الله يهديها ، مع انها عاديه مش كثير حلوه
لكن أتوقع أنها مللته بهالموضوع
المهم يا بنات أقول لكم الأخطاء اللي وقعوا فيها الأهالي ،
أول ما جاهم العريس ما رضا أبوها تكلمه تلفون ، بس دخلها دقيقتين شافوا بعض و حددوا ملكه بعد أسبوعين 😩
الله يهديهم حتى بعد الملكة خلاها تجلس معه مره وحده
و بعدها فقط مكالمات ، ويوم عن يوم بدت تزيد الخناقات
و الحين تموا السنه و قال ما أبيها
شرايكم بتصرف أبوها ، هل معاه حق الأب يزوج بنته لشخص ما قد كلمته
مع أن الدين عطا الناس فرصه للتعارف و النظر قبل الزواج ، ايش الهدف من الملكة و هم حتى ما يعرفون بعض ، والله حتى
الملكة كانت بارده ولا فيها سعاده ،. أحس الملكة لازم تكون مكمله للحب أو التوافق ، و ليس قبله ،
شالهدف من الاحتفال و هم ما كلموا بعض حتى ؟
الحين شوضعها المسكينه ، حتى الأكل مش راضيه تأكله وأمها تصيح و أبوها سافر من النكد
بالله يا بنات مو أرحم إنها تجلس معاه قبل يملكون ، مش أهون من هالموقف الصعب ؟
الحين جالسين يتصلون على الناس يعلمونهم بالانفصال ، و أمها تصيح كل ما كلمت أحد يا عمري كسرت قلبي 😢
لو جلس معها قبل كان أرحم على الأقل ما فيه انفصال رسمي زي الحين ، ليش الناس يستعجلون بالملكة إذا كان الولد زين و راضي عنه الأب ، طيب و
الإنسانه اللي بتعيش معاه مالها رأي فيه ، ممكن ما يناسبها أو هي ما تناسبه
الله يوفقها و يوفق كل من مر بظرفها الصعب 💔