فقط فضفضة من الشدة.

4 سبتمبر 2017

للمعلومية ، انا خشيت دا الموقع بكبرة بس عشان يوم ينفرج همي الكبير الي اعيشه اكتبه هنا عشان الناس تعرف ان مافي شئ مستحيل
.
.
و للامانه مافي شئ تحسن للحين لا فرج جا ولا خير صار حتى احلامي تدل على ان الموضوع زفت و كل يوم يسوء الوضع و قلبي يعورني لين احس قفصي الصدري ح ينكسر
انا بس ابغا افضفض
.
.
محا اقول مصيبتي الي صارت ، بقولها لين ينفرج همي و بقولها ب كل وضوح و اتكلم عن تفاصيلها الملعونه
بس ب اختصار ان مصيبتي لا هي مرض ولا هي فقر او مشاكل مادية ولا زواج ولا وظيفة او دراسة ولا مشاكل مع الاهل لو تفكري ف كل ش محا تعرفي الهم الي طحت فيه
.
.
بس بدت المصيبه دي السنه ف نص رمضان ، تخيلو يناس ان قبل م تبدا المشاكل وصلت ل مرحلة اني اخيراً بحقق حلمي الي قعدت فيه ٣ سنوات و الامل اكلني و السعادة اغمرتني وكنت متحمسه يالله قد ايش السعادة كانت ف قلبي
ياليت الخطة فشلت وبس ، صارت مشاكل ماكنت اتوقعها صارت مصايب كنت احسب لو انطبقت السما على الارض مستحيل مليون تصير
ياليت حلمي ماصار ، خسرت كل شئ خسرت روحي خسرت نفسي خسرت و خسرت ..
حلمي مب سبب ل خسارة كل شئ ، انا للحين اصلا مانيب فاهمه شئ عايشه ف وهم ومانيب عررفه ليه صار كدا
.
.
.
من رمضان للحين تقريبا شهرين و نص ادعي و ادعي و ادعي واتصدق و اتيقن و اقرا قران و معد صرت اسمع اغاني و تبت توبه تامه و مسكت فرايضي ما اسيبها ولا اسيب قيام اليل ولا اضيع وقت ثلث الاخير و ادعي قبل السلام و للناس و ف السجود و استغفرت و اكثرت من لا اله الا انت سبحانك اني كنت من الظالمين و اكثرت ب كثير اشياء و الخ ..
كل شئ ممكن يجي ف بالكم سويته تعبت تعبت تعبت ختمت قصص و تجارب الاستغفار و الدعاء ف دا الموقع
ختمت المقاطع للشيوخ عن الاستغفار و الدعاء ، شفت كل شئ سويت كل شئ تمسكت ف الاسباب لين طاح شعر راسي
كل ابواب الدنيا تفلت فوجهي و تقفلت حتى صرت اشك ان ابواب السماء تقفلت بعد
.
.
صرت خلااااص معد صرت ابغا ف دي الدنيا شئ الا ان دعائي يستجاب و ينفرج الهم ، خلاص مستسلمه استسلام تام ابغا حتى لو فيه شر لي ابغاه يصير ، تعبت مليار ي ناس !!
و امس الادهى و الامر تعقدت الامور و انجرح قلبي ب طريقة لا تتصور تجي ب يوم ليله ، بكيت لين طلعت روحي بكيت لين فقدت الامل من دي الدنيا صرت اشوف الدعاء وهم من كثر الاختناق الي جاني
.
.
كنت مااصدق الناس يوم تقول ان قلبها يعورها من الحزن بس معليش طلع صدق و طلع الم ملعون
المشكلة ان همي لو تعقدت الامور زيادة خلاص مالها فرج ابددددد ولو جا الفرج خلاص لازم ينكتب اسمي ف القران من كثر انها صارت مستحيلة
.
.
فاقدة الامل مليون ذليت نفسي ل ناس استحي اوري وجهي لهم بس اهم شئ يرجع كل شئ ع طبيعته يرجع الشئ الي خسرته
انمسحت كرامتي و شرفي بس عشان دا الموضوع
باقي ادعي باقي اقرا و اصلي بنيه انها تستجاب دعوتي مع ان متيقنه تماما انها مستحيل للاسف
و باقي الامور تصير اسوأ وصلت ل مرحله الي اطالع ف الدرج الادوية و الحبوب احس اني ابغا ابلع لين اموت خلاص صرت اشوف الانتحار حلال !!
.
.
اصحى من النوم اتحسف على عمري ليه عايشه للحين ، اصحى وانا خايفه من الموضوع يصير اخس
والله صدق ..
.
.
كيف انهي دا الهم الكبير تعبت بما فيه الكفايه ، اكره عمري يوم احد يقول تقبلي بالقدر و اصبري و احتسبي
انا اعرف ان ربي مايكلف النفس فوق طاقتها
انا انهرت تماما تعبت تماما ابغا دعائي يستجاب يعني يُستجاب
.
.

انا خشيت جو و انتي الي تقرأي ان فقط ابغا شئ يرفع املي
والله ودي ابكي فرح من دا الموضوع ودي احس ب سعادة و فرحه مره ثانيه ودي ارجع اعيش حياتي زين واكل زين وانام زين
.
.
ودي اعرف ان دعائي ح يستجاب عايشه ف قلق و هم و وسوسه
كثرت كلام بس والله اني خشيت دا الموقع ب نيه اني اتكلم عن قصتي فرج بعد الشدة و المستحيل بس للاسف للحين ماشفت نتفه من الفرج
وللمعلومية انا تيقنت و اخلصت و نيتي صادقه ومافيها لا قطيعه رحم ولا اثم بس الدنيا تفلت ف وحهي لين انهرت و انتهيت
.
.
ادعو ان دعائي يستجاب و يجي هذاك اليوم الي اكتب قصتي ف كامل تفاصيلها عااااجلاااا غيرررر اجللل ب اقرب وقت ممكن يارب.

فقط فضفضة من الشدة.

التعليقات

"فقد بَلغْتَ الغايَةَ مِنْ حُبِّه"

فقد ختم السنة بالطاعة وافتتحها بالطاعة..!

فقد شكر الله تعالى ...

فائدة قد لا تجدها في كتب الفقه؟؟!

أنتِ لستِ فقط مَن تُعدّ الطعام!!