•·.·°¯`·.·• (هل تجاوزتي الثلاثين..؟؟ تعااااالي) •·.·°¯`·.·•

ماقلتيلي شو نوع بشرتج مواز
انا ودي استعمل مقشر خفيف بس ابيه يناسب بشرتي الحساسه والمختلطه شو النتيجه اللي حسيتيها مواز؟

انا عجبني وايد مقشر لوريال للوجه رهيب بصراحه بس يمكن بعد مقشر اورلان افضل جربيه وخبرينا

جويل اظن انه راح يناسبج
انا بشرتي مب كل يمشي حاله وياها يعني في فترة كان عندي حب الشباب والبشرة اتبهدلت والحيين صارت تميل للجفاف حتى الدكتورة تستغرب من وين حب الشباب ( بس شو نسوي كله من القلب هههه شباب)
المهم بشرتي حساسة بعد لاني لما استخدمت مستحضر طبي آخر بالمرة ما ناسبنب وبعض الكريمات سوت لي مثل الحبوب الناعمة (حرار) وهاي خلطة الدكوين ريتن اييه والفاكورت الجديمة حتى الدكتور قالي غريبة ما نفعت معاااج ( شو نسوي يا رب) مب من شوي صرت كسولة مع ها الشغلات كلها ما تضبط ويايه وبزيدج من الشعر بيت انا ترا من اللي استخدموا روكوتين لمدة تجاوزت ال 6 شهوروبعد فترة سنة ونصف مع البشرة المشرقة رجعت حبوب الشباب شو رايج؟؟( المنحوس منحوس)

اتفق معاج مقشر لوريال حلو للبشرة (اقصد العلبة الفضية)

يعني هذا يشد البشرة واللا يوخر الخطوط اللي بالجبهة
سمعت وحدة تقول عن كريم جديد من اف سان لوران للتجاعيد وشد البشرة احد مجربة او سامع عنه بنات

في كريم من كانيبو لشد البشره نازلين اعلانات فيه ؟؟؟؟

مشكوره مواز على التوضيح

شكلي نفس نوع بشرتج

صعب ينفع معاي كريم بشرتي وايد حساسه بعد المغامرات مع اغلب انواع كريمات العنايه والترطيب وقفتهم كلهم صارت بشرتي حمرا دوم والكريمات تخزن تحت الجلد وتطلعلي دمامل مب حبوب :(

وكل الكريمات اللي فيها احماض فاكهه ماتناسبني ابدا

اخر شي الحين على كريم افينو حق البيبيات للترطيب بس

ابا شي يناسبني للعنايه ولمحاربه التجاعيد اللي جايه بالطريق

راح اجرب كريمج اللي قلتي عنه يمكن ينفع

تصدقين احلى بشره تكون عندي يوم مااستخدم اي شي ابدا بس احط اي كريم تتهيج :(

وجزاج الله خير

انا بعد سمعت عن كريم كانيبو قريت الاعلان عنه ودي وحده استعملته تقولنا شرايها فيه وشو نوع بشرتها