فقط فضفضة من الشدة.

الناس تقول اكثري من الاستغفار و دعاء ذي النون و فيه ناس تقول اكثري الحمد والصلاة على نبي و الخ .. ف انا ف حيرة اتمسك ف ايش بس اكثر القصص الي قريتها عن الاستغفار

ادعي دعاء الطائف وعليك بلا اله الا انت سبحانك اني كنت من الظالمين ومن رمضان الى الان مامر شي. ماابي اقلل همك ووجعك لكن المؤمن مبتلى. تعرفين انتي تقولين ألقلب يوجع. انا مر علي شي مااقدر امشي. أزحف من كبر الهم ظهري مااقدر ارفعه قلبي مو يوجع فيه حفرة فيه كسر مدري كيف اشرح. شي الاكل مااقدر اكل نحفت نحفت شي غير طبيعي في مدة قصير اتفرج من البلكونة وأقول ليش ماارمي نفسي وارتاح ( الله لايعاقبني) وأتعوذ من ابليس وأقول اللهم احيني مادامت الحياة خير لي وامتني مادام الممات خير لي
امثر شي فاد الوتر مااقول لم جاء الفرج كقصة تقص لكن جاني عِوَض من ربي وارضاني. والخير قادم باذن الله

قريت ماتعرفين ايش تلتزمين فيه
أذكار الصباح والمساء
الفروض والسنن الرواتب
أذكار بعد الصلاة
قيام الليل لو ركعتين ووتر
صلاة الضحى
ذكر الله على كل حال تسليح وتهليل وحمد وحوقلة واهم نقطة الرضى والاقتناع بان كل مايكتبه ربي لك خير. قولي دايم ربي اعلم ربي ارحم.

قوليلي انه فرج عنك .. مدري بس الله يسعدك و يفرج همومك ان شاءالله بس نقطه الاخيرة الرضا ، صعبة للامانة و احس ثقيلة على قلبي ثقل مب طبيعي.

الله يفرج همك اختي اقرأي هذا الحديث اللي غيرني كثير بعد ماتاملت فيه (إِنَّ عِظَمَ الْجَزَاءِ مَعَ عِظَمِ الْبَلاءِ، وإِنَّ اللَّهَ عَزَّ وَجَلَّ إِذَا أَحَبَّ قَوْمًا ابْتَلاهُمْ، فمَنْ رَضِيَ فَلَهُ الرِّضَا، وَمَنْ سَخِطَ فَلَهُ السَّخَطُ) ركزي على هذي الجمله من رضي فله الرضا ومن سخط فله السخط

الحمدلله احسن بكثير وأرجو من ربي الخير

عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .

ارضي ارضي وقولي الحمدلله على الأقل اقدر افضفض الحمدلله عندي رجول امشي فيها والحمد لله الي رزق العصفور بيرزقني والي رزق النملة بيرزقني. شدي حيلك
وقولي يا فارج الهم ياكاشف الغم أفرج علي وأزل همي