امي منا وانتي غريبه 🤤

السلام عليكم
بنات ربي يسعدكم لما نتناقش ليه السب والالفاظ الجارحه ترا كلنا نعرف نشتم لكن الأدب والاخلاق تمنع صاحبها
المهم انا لاحظت بالمواضيع تهميش لقدرالزوجه ببيتها وبحياة زوجها
انتي مجرد ورقه بينكم انتي تتبدلين بسهوله وووو
انتي لو امه امرت يغيرك ويحطك مكان مداسه
انتي مو لحمه ودمه
ووووو
انا زوجته شريكه حياته
وضعي بحياته مثل امك بحياتكم
انام بفراشه وانتي ماتقدرين تدخلين من الباب
الله الزمه بنفقتي قبلك
انا شى خاص فيه سكن له وراحه
انا اسكن معه واكل معه وانام معه
اطبخ له وامرضه واربي عياله
العلاقه بيني وبينه مالها حدود
وتجي وحده تهمشني بحياته
الاهل يظلون اهل ومحد ينكر بس الابن صار له عالم هو جزء منه لازم يتعامل على انه جزء منهم
لو الاهل فهموا هالنقطه تلاشت المشاكل
لاتجي وحده تسب ببعض الزوجات انا معك لكن مو هم موضوعي
انا اتكلم عن مكانه الزوجه بالعموم بغض النظر عن المشاكل منها او منهم
الله خلق العالم ذكر وانثى
ومن هالعلاقه وجدت المخلوقات
وهالعلاقه مقدسه وسماها ربي ميثاق عظيم
مو صحيح يبدلها بسهوله ويدوس عليها لانها جزء من مشاعره ورجولته
ينام بحضنها ويتنفس هواها ويشم ريحتها فمو سهل ينفصل عنها لان احد من اهله مايبيها
طيب ومشاعره
طيب وعياله
عشان كذا ربي جعل الطلاق بيد الرجل
مو كل من قاله طلق طلق
يحسب الامور يوازن ويحفظ بيته
بمحرد زواج البنت ودخولها لبيت زوجها تصبح من أهل بيته وملزومه منه بكل امورها
هي راعية بيته وام اولاده
يعني امك هل هي غريبه
هل تروحون وتجون وتسافرون بدونها
هل ترفضونها بجمعات عيلتكم
او عشانها امك انتي مستثناه
زوجة الابن نفس الشى وذي سنه الحياة
هي زوجته مثل ماامك زوجه ابوك
ام اولاده مثل امك
ترضين ابوك يروح مع اعمامك ومعكم وامك تودونها لخوالك
ترضين تعيدين عند جدانك والعيله ملتمه وامك ببيتها لحالها
ليه تقبلون هالشي بعيال اخوكم
ليه ينحرمون من امهم اولمة عيلتهم
زوجة اخوي لها قدر وحشيمه وام اولاده ومستحيل اعتبرها غريبه او نفصلها عن لمات اهلي
وانا مو غريبه عن اهل زوجي عندي اولاد وبنات لعيلتهم انا مربيتهم ومعلمتهم فكيف اعتبر غريبه وانا اذا دخلت مكان قالوا اهل فلان زوجته وبناته
اتمنى الاهل يفهمون ان زواج ولدهم مرحله بحياته ماراح يرجع نفس قبل بلحاله لا معاه عيلته بكل مكان وذا مايمنع بره باهله
الرسول عليه السلام امرنا باعطاء كل ذي حق حقه
العيله شي طبيعي بالكون
كانت عيلتنا وبعدين كلن تزوج وكون عيلته وهكذا دورة الحياة