التباشير4 لمواليد سبتمبر وأكتوبر 2017

ما شاء الله تبارك الله الف مبروك يتربوا في عزكم وحمدلله على سلامتكم

امين يارب العالمين

الف لا باس عليك وعليهم
وباذن الله ما فيهم الا العافيه حبيبتي

باذن الله مافي مشكله عليها
انا جبت ولدي ووزنه ٢ كيلو و٣٠٠ والحمد لله طيب وما دام اخذتي ابرة الرئة يصير اطمني باذن الله

والله مادري ليش يانداء احاول انسى اكشني احسه يذكرني بشي ماودي اقوله لكن بما ان لي تقريباً ١٩ يوم راح اقول الاكشن


اكشني بدا من الساعه ١٢ نص الليل صحيت من النوم بعد ساعتين من عدم الراحه وخلاص طقت كبدي ليش نومي اخر التاسع صاير كله ساعتين واصحى
فسويت حليب بالقرفه وحطيت شوي نسكافيه
واكلت رطب يمكن ١٥ حبه! المهم ع اساس افطر عليهم
وحسيت بعدها جاني طلق خفيف حسبته طلق كاذب لانه عباره عن شد بالبطن
بدون الم ظهر وخفيف
وصار يجي كل ربع ساعه وخفت شوي بس توقعته طلق كاذب
وقمت اتقرفص وامشي بخطى متباعده ولابسه شراب وفوقه الشبشب
قلك عشان مع البرد لايتقفل الرحم
المهم وصار فجأه كل عشر دقايق وصار الالم قوي شوي
وفتحت الـ stopwatch بالايفون وأحسب كل ماحس بطلق اضغط Lap
واشوف كل وحده والثانيه بينها كم
وصارو بينهم مرات ٥ دقايق انفجعت وتغطيت بالبطانيه تمنيت اهرب انام اسوي اي شي عرفت ان قربت ساعة الولاده
وحاولت انام ومرات يصير بينهم ٣ دقايق مستوعبين والالم صار يمسك بقوه
صحيت بنتي وزوجي ع الساعه ٣ ونص وقمت حطيت بيض عالنار
وكمان جالسه احسب خلال مايطبخ البيض صارت ثلاث طلقات
وبشويش كذا وبرضه فيس مفجوع قلت لزوجي يلااا ترا شكلي بولد
الطلق عندي منتظم وقوي سويت لكم فطور افطرو وخلونا نمشي < شايله هم بنتي اخاف ماتاكل
قالي بلافطور لبسي بنتك نوديها عند جدتها وجهزي شناطك
وحده للمستشفى ووحده بيت اهلي
المهم ٥ونص واحنا بالكشف عند دكتوره سودانيه
قاست الرحم قالت ١-٢ والطلق عندك قوي روحي امشي ساعتين وتعاليني اشوف
انا قدنو الالم كان قوي بس محتمل ورحت حديقه قريبه من المستشفى ومترتها انهلكت وشمست الدنيا والطلق صار مو محتمل لدرجة لاحظت اذا مسكت يد زوجي وعصرتها يريحني شوي
ورحت لها ٧ قالت ٢-٣ فتح الرحم شي بسيط بس
طلقك تباعد .. بس الطلق عندي صار مرا مو محتمل وانا كنت اتنفس بطريقة رولا قطامي و احاول ما اشد المنطقه تحت عرفتو ..
المهم قالت لي امشي قريب هنا بالمستشفى وانا البرد صار يتعبني واستفرغت وقلت لزوجي خلينا نمشي بالمواقف ومشيت وحسيت الشمس بحرارتها تساعدني كذا ياربي مدري كيف فيني دوخه والطلق صار حاااامي ورجعت بعد ماصرت ماقدر امشي وجابلي زوجي كرسي وقالت لي النيرس مو قلنا لكم امشي وانا دايخه وماحس بغير الطلق قلتلها ماقدرت
وجات دكتوره ثانيه مارضيت تكشف عليا الا لمن زوجي يكتب الكشفيه باسمها عشان يرجع يدفع لها مية الكشف مره ثانيه!
وخلت النيرس يقيسون ضغطي والطلق وقالت اربعه وهي كذابه شكلها عشان عبال مازوجي يدفع الفلوس!!!
واقولهم ياهووه اعطوني شي بموت اعطوني يدكم عالاقل امسكها تكفووون< مدري وش احس اطلبهم يمسكون يدي
وهي تقول ادعي ربك قلت حسبي الله ونعم الوكيل < اتحسب عليها
وبعدين قلت لا اله الا انت سبحانك اني كنت من الظالمين
وشوي الدكتوره تقول يافلانه انتي كيف حركة البيبي اليومين اللي راحو؟
قلت وانا دايخه ماادري قليل وقامت تقول طلعوها انخفض الضغط والاكسجين نقص بسرعه طلعوها
وعبال ماجلس عالكرسي واطلع الاصنصير وانا احاول اتنفس بطريقة رولا بس مااااش الالم ودوخه واحس راسي طايح واعيه ومو واعيه
اول مادخلت غرفة الولاده اصيح احسه بيطلاااااااع واستوعبت ان اللي فبطني بنوته وقلت احسها بتطلاااااااااااااااع وانا اصرخ
ويفكون طرحتي وعبايتي وغطوتي ويقولون لي انسدحي بس يوم طلعت عالسرير ماقدرت اتعدل واخذ وضعية السجود ويصرخون عليا كلهم ويخاصمون لاااااااااااء ويدفوني يسدحوني اثنين نيرسات وتكشف مفتوح فُلي وبس اسمعها تقول فُل واحس بالبيبي يدفع وتقولي استني لا لا ويرفعون رجولي ع الحديده واقول لاااء وادفع وهي بسرعه تشق الكيس والعجان والدفعه الثانيه الا بنتي طلعت
وهما ركبولي اكسجين وعطوني كمامه بمجرد حطوها تخدرت وصرت احلم احلام غريبه ومرات اوعى ومرات فحلم ووعيت نص الخياطه صرخت عليها قلت يادكتوره اعطوني الكمام احس فيك تخيطيني ورجعوها
غير اني استفرغت عليهم ثاني لاني افطرت لاتاكلون شي وقت الطلق حتى لو بتموتون جوع
وبس ساعتين وانا ارجف بعدها والحمدلله انا بخير وبنتي بخير
بدا الطلق ١٢:٠٠ ص ..... ولدت ٩:١٥ ص وتوته توته خلصت الحدوته



واعذروني لو قرقرت واجد